Nota de prensa
Á Mesa do Parlamento
O Grupo Parlamentario Popular de Galicia, a través do seu Portavoz, e a iniciativa do seu deputado José Manuel Balseiro Orol, ao abeiro do disposto no artigo 160 do Regulamento da Cámara presenta, ante esa Mesa, a seguinte Proposición non de lei para o seu debate en Comisión.
Exposición de motivos
A Consellería de Economía e Industria vén de comprometer unha axuda global dun millón de euros para apoiar o plan de expansión comercial de Sargadelos e acadar así o mantemento dos máis dun cento de empregos cos que conta esta histórica compañía galega.
As axudas teñen un carácter bianual e suporán a achega de 400.000 euros a fondo perdido e 600.000 euros máis a través dun préstamo participativo de Xesgalicia, sociedade dependente do Instituto de Promoción Económica.
As axudas teñen como destino, como xa explicamos, o respaldo ao plan de expansión comercial da compañía, para permitir un incremento das vendas, e chegan despois do acordo acadado –entre a empresa e os representantes dos traballadores- para a presentación dun novo plan de viabilidade no que se recolla, precisamente, o investimento en promoción e expansión comercial e o seu impacto nas vendas.
Con todo, o compromiso socialmente máis relevante é o adquirido por parte da empresa para retirar o Expediente de Regulación de Emprego (ERE) de carácter extintivo –que incluía a supresión de postos de traballo- e substituílo por outro, apoiado pola inmensa maioría do cadro de persoal- que contempla unha redución de xornada co obxecto de axustar os ritmos de produción. As axudas da Xunta, como vén sendo norma da Consellería de Economía e Industria, están ligadas precisamente ao mantemento dos postos de traballo.
Cómpre lembrar que a Cerámica de Sargadelos dispón dun cadro de persoal formado case na súa totalidade por mulleres, cun perfil laboral moi específico e profesionalizado, e que levan case toda a súa vida laboral ligadas á actividade da empresa. Polo tanto, a Xunta de Galicia apoia tamén a consolidación dunha serie de postos de traballo que doutro xeito terían unha complicada reinserción no mercado laboral actual.
A devandita boa nova amosa unha vez máis o amplo compromiso da Xunta de Galicia co sector empresarial galego e, de xeito particular, cunha empresa que leva o nome de Galicia polo mundo adiante, reflectido na indiscutible calidade da súa cerámica, o enxebre das súas formas e o espírito cultural, histórico, da nosa terra, que impregna a todo o grupo de empresas Sargadelos.
Con todo, a satisfacción non pode ser completa xa que oito persoas foron despedidas en aplicación do anterior ERE extintivo, hoxe por fin desbotado. Oito traballadoras cuxo despedimento xa é efectivo e que, segundo puido coñecer o Grupo Parlamentario Popular a través dos representantes de traballadores, en seis casos poderían ser beneficiarias das axudas por prexubilación, xa que cumpren os requisitos de idade, antigüidade e outras condicións establecidas na lexislación estatal vixente.
O Partido Popular sempre defendeu que se puxeran en marcha as xestións precisas para facer efectiva as axudas sociais correspondentes. Máis en concreto as contempladas na Orde de 5 de abril de 1995 (BOE número 93 do 19 de abril) que regulamenta as axudas que poderá conceder o Ministerio de Traballo ao persoal afectado polos procesos de reconversión e/ou reestruturación de empresa.
Tralo compromiso da Xunta de Galicia co máis dun cento de persoas que hoxe compoñen o cadro de persoal desta empresa, é lóxico reclamar un esforzo nesa mesma liña por parte do Goberno central, neste caso con esas seis persoas que poderían beneficiarse das axudas estatais.
Se a inspección de Traballo e Seguridade Social, dependente do Ministerio de Traballo do Goberno central, non tivo no seu día ningún tipo de reparo e informou en sentido positivo o ERE extintivo que deu como resultado o despedimento destas persoas, é lóxico reclamar que agora tamén o Executivo socialista e nun ámbito da súa competencia, outorgue as axudas necesarias para facer fronte a esas prexubilacións e que poderían chegar incluso a ser do cen por cen das percepcións correspondentes.
Polo exposto con anterioridade, o Grupo Parlamentario Popular somete á consideración da Cámara a seguinte PROPOSICIÓN NON DE LEI EN COMISIÓN
Acordo a adoptar:
O Parlamento galego insta á Xunta de Galicia a dirixirse ao Goberno central de tal xeito que estableza as axudas e apoios específicos contemplados na lexislación estatal vixente para as traballadoras/res da empresa Sargadelos, facilitando a cobertura económica do persoal afectado polo proceso de extinción de emprego, ata que accedan á situación de xubilación.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
