Nota de prensa
Durante catro anos de Goberno bipartito nin PSOE nin BNG desde a Xunta desenvolveron o proxecto construtivo desta infraestrutura, nin estableceron financiamento algún
BALSEIRO DEFENDERÁ O LUNS DÍA 13 NO PARLAMENTO A ELABORACIÓN DUN ESTUDO QUE DETERMINE AS CARACTERÍSTICAS E SERVIZOS DOS QUE DISPORÁ A FUTURA RESIDENCIA CON CENTRO DE DÍA DE FOZ
o Os populares comprométense a, unha vez elaborado o estudo de necesidades, promover a construción deste centro de benestar á maior brevidade posible.
o Os nacionalistas pretenden restrinxir as características da futura residencia e o seu financiamento sen coñecer as necesidades específicas do seu municipio.
Foz, 11 de decembro de 2010.- O deputado popular Jose Manuel Balseiro defenderá a través dunah proposición non de lei no seo da Comisión de Sanidade do Parlamento de Galicia que terá lugar o próximo luns 13 de decembro que a Xunta elabore un estudo para determinar as características e servizos dos que disporá a futura residencia con centro de día de Foz. Deste xeito os populares dan un paso máis para facer realidade esta infraestrutura de benestar despois de que durante os catro anos de Goberno bipartito, nin socialistas nin nacionalistas foran quen de iniciar os trámites administrativos para construir este novo centro. De feito a Xunta bipartito nin elaborou o proxecto construtivo nin estableceu en ningún dos catro anos de goberno conxunto, financiamento algún para a futura residencia.
Os populares manteñen o seu compromiso de dotar a Foz da residencia que lle negou o bipartito e de facelo á maior brevidade posible toda vez que o estudo de viabiliadade avalie os diferentes ratios de cobertura para determinar que servizos de atención sociosanitaria e xeriátrica deben poñerse en marcha, así como as prestacións e características da futura residencia.
O BNG BUSCA AGOCHAR O NULO INTERESE DO BIPARTITO
Segundo os populares neste ámbito o Bloque Nacionalista Galego está a ter un comportamento altamente irresponsable. Primeiro porque agora pretenden agocharse tras a pancarta e a mobilización social, para disimular o total desinterese que tiveron cando obstentaron a responsabilidade de goberno na área de Benestar da Xunta, precisamente a encargada de poñer en marcha este tipo de residencias. O deputado popular subliña que pese a que moitas veces o BNG prometeu dotar a Foz deste novo centro, todo quedou en palabras baleiras de contido posto que non deixaron ningún tipo de trámite iniciado.
NON COÑECEN AS NECESIDADES CONCRETAS
Ademais agora cometen o erro de pedir á actual Xunta que poña en marcha unha nova residencia, indicando incluso que terá capacidade para 50 persoas, cando da elaboración do estudo de viabilidade pode deducirse a necesidade social dunha capacidade maior ou de servizos complementarios que eles non determinan. Os nacionalistas tamén pretendían consignar unha partida orzamentaria expresa para esta residencia, cando nos orzamentos da Xunta non existen ningunha partida específica para a construción de ningún centro en Galicia, senón partidas xenéricas que se executarán en función das necesidades de financiamento das distintas obras. De propoperar a petición nacionalista podería restrasar moito máis tempo aínda a creación da residencia.
O BIPARTITO COMO OBSTÁCULO
Finalmente os populares insistiron en que a súa posición non mudou, que siguen considerando a necesidade de contar cunha nova residencia en Foz pero lamentan que as forzas do antigo bipartito en vez de ter colaborado en acelerar esta reivindicación foran un obstáculo. Neste senso lembran un dato significativo. Pese a que foi en outubro de 2008 cando o Concello adoptou o acordo Plenario aceptando a cesión de 4.000 metros cadrados de terreo para a futura residencia, non foi ata febreiro de 2009 –catro meses despois e na véspera electoral- cando o Concello remite ao Consorcio copia da escritura de segregación e cesión efectiva destes terreos. Os populares insisisten en que este comportamento si é unha auténtica manobra dilatoria e demostra que nin PSOE nin BNG querían de verdade contar cunha nova residencia, que o PP si garantiza.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
