Nota de prensa
O PP NEGOUSE A APOIAR NINGUNHA DAS EMENDAS PRESENTADAS POLO BNG MARIÑAO AOS ORZAMENTOS DA XUNTA PARA 2011
O Plan funcional do Hospital da Costa e a súa ampliación ou o incremento de partidas para a VAC San Cibrao- Ferrol xa non son prioridades para o PP
Veiga acusa aos dous parlamentares mariñaos do PP de poñer por diante os seus intereses particulares dos da cidadanía á que representan.
A Mariña, 10 de decembro de 2010. O BNG criticou a negativa do Partido Popular a apoiar unha soa das emendas presentadas polos nacionalistas mariñaos aos orzamentos da Xunta de Galiza para 2011. O Responsábel e Portavoz Comarcal dos nacionalistas, Antonio Veiga, acusou aos dous parlamentares mariñaos do PP, José Manuel Balseiro e Enma Álvarez, de “poñer por diante os seus intereses persoais dos da cidadanía á que representan; Balseiro cansouse de esixir ao bipartito cando estaba na oposición e agora que lle toca ao PP gobernar as partidas económicas destinadas á Mariña non paran de minguar”. Veiga acusou ao PP de poñer negro sobre branco a súa axenda oculta para Mariña que pasa pola parálise e o recorte nos servizos sociais e sanitarios na comarca mediante a súa progresiva privatización e desmantelamento e puxo como exemplo a Residencia da Terceira Idade de Viveiro, o Hospital da Costa, ou a ausencia de investimento noutros equipamentos sociais que ademais son evidentes focos de xeración de emprego tan necesitado na comarca.
Os orzamentos da Xunta para 2011 van verificando que o PP ten unha axenda oculta para a comarca que se executará ao completo despois das municipais.
A negativa sistemática do PP a apoiar ningunha das emendas presentadas aos orzamentos da Xunta para 2011, pon “negro sobre branco parte da axenda oculta que o PP ten reservada para a comarca despois das eleccións municipais”; Veiga enmarcou nesta política “a negativa dos representantes do PP no Parlamento a apoiar emendas para o Plan Funcional e ampliación do Hospital da Costa, que forma parte da estratexia de ir desmontando os servizos sanitarios na comarca para a súa posterior dependencia de Lugo e a privatización dos seus servizos”. Na mesma liña está a negativa a dos representantes a apostar polo mantemento e creación de servizos sociais, “desprezando xa con reiteración a moitos veciños e veciñas” que demandan servizos sociais públicos e de calidade que o PP ou non pon en marcha e privatiza, caso da residencia de Viveiro, ou non crea, caso da residencia de Foz ou o centro de alzheimer de Ribadeo.
Balseiro está mais preocupado por manter o chofer e a cadeira do Parlamento que polos intereses dos seus veciños e veciñas.
Antonio Veiga, criticou a cara dura dos populares que dan as costas aos intereses do conxunto da cidadanía mariñá, “votando sistematicamente en contra de todas as emendas presentadas e poñendo por diante os seus intereses particulares por riba dos intereses do conxunto da comarca”; Veiga acusou ao parlamentar popular, José Manuel Balseiro de “traizoar aos veciños da Mariña xa que o seu voto foi dirixido a aguantar a cadeira do Parlamento e o chofer particular e non para beneficio dos seus veciños e veciñas”. O nacionalista “lembrou que cos votos dos dous parlamentares populares mariñaos no Hórreo sobraban para mellorar estes orzamentos, mais diante do visto, a cousa e a causa mariñá non é o que move a estas persoas”.
O PP tampouco quixo apoiar a aposta polas infraestruturas de comunicación como medio para xerar emprego.
Os nacionalistas tamén fixeron fincapé na ausencia de medidas xeradoras de emprego, “mentres a Mariña segue incrementando as taxas de desemprego”, Veiga aclarou que nin a VAC San Cibrao- Ferrol, nin o eixo de conexión coa A8 dende A Pontenova, Riotorto e Mondoñedo son prioridades para o PP e desto deberían tomar boa nota os veciños destes concellos mais tamén todas as persoas que se atopan en situación de desemprego; “neste momento e imposíbel xerar emprego sen o impulso da administración pública e aquí o PP tampouco está pola labor”, rematou Veiga.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
