Nota de prensa
O debate tivo lugar esta mañá na Comisión de Industria, Enerxía e Comercio do Parlamento de Galicia
APROBADA UNHA INICIATIVA DO PP NA QUE SE RECLAMA AO ESTADO QUE OUTORGUE AS AXUDAS ESTATAIS PARA AS PREXUBILACIÓNS DOS TRABALLADORES DESPEDIDOS EN SARGADELOS
o A iniciativa prosperou cos votos dos deputados populares e contou coa abstención dos nacionalistas e o voto en contra do PSOE, estos últimos mudaron o seu voto de modo contradictorio ao que mantiveron no pleno municipal de Cervo
o O Goberno do Estado outorgou estas mesmas axudas a traballadores de dúas empresas galegas que se atopaban en situacións idénticas a Sargadelos: a viguesa Autos Valeo e a coruñesa UNICEM
Santiago, 17 de decembro de 2010.- No seo da Comisión de Industria, Enerxía e Comercio do Parlamento de Galicia aprobouse hoxe unha iniciativa do Grupo Popular pola que se lle insta ao Goberno do Estado a outorgar as axudas estatais para as prexubilacións dos traballadores de Sargadelos. A iniciativa prosperou grazas ao voto favorable dos deputados populares, máis contou coa abstención dos nacionalistas e o voto en contra dos socialistas, que se posicionaron dun xeito contraditorio co voto mantido para este mesmo asunto no Pleno municipal de Cervo onde xunto ao PP, PSOE e BNG pediron ao Estado o outorgamento destas axudas que agora o PSOE lles nega.
Segundo explicou Jose Manuel Balseiro tendo en conta os datos facilitados polo comité de empresa seis dos oito traballadores despedidos na cerámica cervense poderían ser beneficiarios das axudas do Ministerio de Traballo contempladas na Orde de 5 de abril de 1995 (BOE número 93 do 19 de abril) xa que cumpren os requisitos de idade, antigüidade e outras condicións requiridas na lexislación vixente. Ademais atendendo ao establecido na devandita orde as axudas poderían solicitarse directamente polos traballadores e cubrirían case o 100% do salario que deixaron de percibir tras o despedimento e por un periodo que chegaría ata puideran acceder á pensión de xubilación ou de xubilación anticipada.
O ESTADO NON PODE NEGAR A SARGADELOS O QUE XA OUTORGOU A OUTRAS EMPRESAS
O deputado popular Jose Manuel Balseiro reclamou que tal e como se fixo con outras empresas galegas o Executivo central non negue aos traballadores de Sargadelos este tipo de axudas estatais. De feito o Ministerio de Traballo financiou con cargo a esta mesma orde de axudas as prexubilacións dos traballadores da empresa viguesa Cableados Auto (Autos Valeo) –“por certo asesorados pola CIGA”- e tamén no caso dos traballadores da empresa UNICEM da Coruña. Neste último caso –o da empresa coruñesa- ademais o Ministerio otorgou en 2008, con cargo a esta mesma orde, 192.393 euros para as prexubilacións de sete traballadores que foron despedidos anos atrás no 2005.
A XUNTA CUMPRIU, QUE CUMPRA AGORA O ESTADO
Balseiro sinalou que “como a Xunta de Galicia cumpriu” -cunha axuda dun millón de euros que vén a garantir a viabilidade da empresa e a continuidade de máis dun cento de postos de traballo- e, “agora tamén debe cumprir o Goberno do Estado”, sobre todo tendo en conta que o propio PSOE ofreceu no seu día os cartos para financiar estas axudas de prexubilación. “Así o prometeu a concelleira socialista e vicepresidenta da Deputación de Lugo, Lara Méndez –quen indicou que as axudas estatais estaban enriba da mesa e que así se o ofreceron á empresa e traballadores- e tamén o portavoz de emprego do Grupo Socialistas no Parlamento”. Ambos compromisos constan nas diversas actas oficiais. No tocante á Sr. Lara Méndez, na acta da sesión plenaria municipal de Cervo, que tivo lugar o 17 de 9 de 2010, por convocatoria extraordinaria. O voto actual do PSOE demostra agora que esta señora e o seu grupo “mentiron aos traballadores de Sargadelos e aos veciños de Cervo”
Segundo Balseiro sería ademais “incomprensible” que o Executivo socialista central nun ámbito da súa exclusiva competencia –a seguridade social- non tome cartas no asunto”. Neste senso, lembrou, “foi o Ministerio de Traballo o que a través da súa inspección quen no seu día non tivo ningún reparo para dar os argumentos técnicos e informar en sentido positivo o ERE extintivo polo que se despediron a estas persoas, polo que tampouco deberan ter ningún problema agora para financiar as súas prexubilacións”
EMENDAS INACEPTABLES
Finalmente Jose Manuel Balseiro adiantou que non foi posible aprobar as emendas do PSOE e BNG para achegar un acordo de consenso porque eran absolutamente inasumibles. No caso do PSOE para aforrar uns cartos ao Ministerio de Traballo pedían que a empresa asumira o 60% do custe das prexubilacións, “cando estamos a falar dunha empresa en crise e dun gasto que poría en perigro a viabilidade da empresa”. No tocante á emenda do BNG os nacionalistas condicionaban a axuda da Xunta á readmisión dos traballadores, isto é, pedían que o Goberno galego non outorgara unha axuda que permitirá salvar mais dun cento de postos de traballo a conta da readmisión dos oito traballadores despedidos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
