FOZ (M.F.O) .- O C. B. Celtas recibiu o Empresa Narón para romper a racha de derrotas pero non puido logralo debido a un mal terceiro cuarto e acabou perdendo por 50 a 53. O partido parecía encarrilado para os locais pois na primeira parte o dominio foi total con vantaxes de ata dez puntos. Nos últimos minutos os de Narón reaccionaron para igualar o marcador (25-24). No terceiro cuarto os focenses sufriron un baixón que finalmente decidiría o encontro. Nos minutos finais facendo un bo xogo intentaron dar caza os de Narón sen conseguilo.
Polo C. B. Celtas-Primera Calidad xogaron: Javi(3), Humberto(23), Esteban(4), Miguel(10), Piñón(6) – Eduardo(4), Adrián, Manuel e Borja.
