NOTA DE PRENSA
EDU: ‘A CITA DA COPA ANTE O LOBELLE É UN PREMIO PARA O EQUIPO E PARA A AFECCIÓN’
A bomboneira será mañá unha auténtica festa do fútbol sala, na segunda eliminatoria da Copa do Rei (20.30 horas). O Burela FS recibirá o todopoderoso Xacobeo 2010 Lobelle de Santiago, da División de Honra, no que o gardameta laranxa Edu cualifica como “un premio para o equipo e a afección poder gozar dun duelo desta relevancia en Vista Alegre”.
O cadro mariñán acollerá no santuario burelao o gran desafío lobellista, referendado por números vertixinosos. Os composteláns chegan ao descanso de Nadal pelexando polo liderado da máxima categoría, empatados a 34 puntos con ElPozo Murcia; no que vai de tempada, tan só foron derrotados polo Barcelona, a domicilio.
A última vez que se viron as caras Lobelle e Burela foi na I Copa Barrios Deportivos de Ourense na pretempada, co título para o lado santiagués. “Somos conscientes de que o Lobelle é o claro favorito, por categoría e traxectoria, pero nós saltaremos á pista para dar a sorpresa; sería bonito seguir vendo equipos de Honra en Vista Alegre” confesou o meta naronés, que animou a afección a gozar do espectáculo: “Sen dúbida vai ser un gran partido. Nós sairemos a deleitarnos co xogo, sen a presión da liga, pero sendo fieis á nosa filosofía e contando coa inestimable axuda da bancada laranxa”.
A novidade no banco burelista será o xuvenil Antón Couto, co que xa contou Suso Rey nos cuartos da XX Copa Galicia, ante o Ribeira FS (2-4), hai un par de semanas. As molestias musculares de Minu manterano afastado da pista mañá.
O prezo das entradas será de 3 euros para socios/as (presentar carné de 2010) e 10 para os non socios/as; os menores de 18 anos terán acceso gratuíto (presentar DNI). Durante o descanso, o club laranxa sorteará unha suculenta cesta de Nadal entre todos os asistentes.
Próxima eliminatoria. O vencedor do mércores enfrontarase ao gañador de Ziérbena-Azkar Lugo, o 29 de decembro, na terceira eliminatoria.
Recollida de xoguetes. A peña A Pataca Naranxa recollerá xoguetes en colaboración coa Cruz Vermella ata finais de mes. Todas as persoas que o desexen poderán deixar a súa doazón no pavillón polas tardes. O servizo de recollida a domicilio pódese concertar a través do número de teléfono 607 74 87 86.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
