Nota de prensa:
O BURELA FS DESPIDE 2010 COA VISITA DO PERIGOSO GÁLDAR GRAN CANARIA (VISTA ALEGRE, 18.30)
O Burela FS despedirá a súa participación de Prata en 2010 coa visita do perigoso Gáldar Gran Canaria, terceiro clasificado, avantaxando en catro puntos a sexta praza dos laranxas. Será mañá, en Vista Alegre, a partir das 18.30 horas.
O Burela FS probará a fortaleza da bomboneira ante un dos rivais máis sólidos da categoría. Ata o momento, os canarios só viron escapar puntos fóra da casa en tres ocasións, con dous empates (Murcia 3-3 e Lanzarote 9-9) e unha soa derrota (Zamora 3-0).
Os insulares chegarán moi motivados, co firme obxectivo de saír dunha liña de resultados pouco favorables. O Gáldar, que se mantivo imbatido ata a décimo cuarta xornada en Zamora, tivo que conformarse dende aquela co 2-4 de Puertollano e o o 3-3 ante o Navarra. ‘Nós imos coa intención de loitar pola vitoria; queremos recuperar a liña que vimos despregando desde o comezo da campaña. Non queremos pensar en nada máis” asegurou o ala do Gáldar Lonchu.
Minu será a única ausencia no banco burelista, por problemas musculares.
Aos rivais máis próximos dos mariñáns preséntaselles unha despedida do ano a priori máis accesible, aínda que fóra da casa: o UPV Maristas Valencia, cuarto (31 puntos), desprázase a Albacete, décimo cuarto; o BP Andorra, quinto (30), visita o Eivissa, décimo sexto; e ElPozo Murcia, sétimo (27), medirase ao Barcelona B, undécimo.
Calendario Laranxa 2011. Dende mañá estará á venda o xa tradicional Calendario Laranxa (2 euros), coa participación dos difertentes equipos e categorías que compoñen o CD Burela FS e a colaboración de diferentes empresas mariñás. Así mesmo, tamén se poderán adquirir na taquilla as entradas (3 euros para socios/as e 10 para non socios/as) para o Burela FS-Xacobeo 2010 Autos Lobelle, da Copa do Rei (mércores 22, 20.30 horas).
Recollida de xoguetes. A peña A Pataca Naranxa colabora ata finais de mes co Cruz Vermella na campaña de recollida de xoguetes para o Nadal. Todas as persoas que o desexen poderán deixar a súa doazón no pavillón, coincidindo co encontro Burela FS-Gáldar. O servizo de recollida a domicilio pódese concertar a través do número de teléfono 607 74 87 86.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
