Nota de prensa
CERVO
O BNG DE CERVO PRESENTOU EMENDAS AOS ORZAMENTOS DA XUNTA PARA 2011 POR 1,9 MILLÓNS DE EUROS
Estúa di que co voto de Balseiro e suficiente e pídelle ao concelleiro e parlamentar popular que o poña ao servizo dos seus veciños e veciñas
O dragado da presa de Rúa, a construción de vivenda social ou unha partida para a creación dunha escola infantil e a redacción do proxecto para o cinto industrial de AlCOA así como a recuperación e consolidación do Castro da Atalaia
Cervo, 1 de decembro de 2010. O BNG de Cervo presentou emendas aos orzamentos da Xunta de Galiza para o ano 2011 por 1,9 millóns de euros que pretenden investimentos en materia de infraestruturas de abastecemento de auga, dotacións sociais e de vivenda, infraestruturas industriais e recuperación e consolidación do Castro da Atalaia. Os nacionalistas agardan o voto favorábel cara estas emendas do concelleiro e parlamentar cervense, José Manuel Balseiro, por tratarse de asuntos que son fundamentais para o concello de Cervo.
Dragar e limpar a presa de Rúa e fundamental para mellorar a calidade da auga e evitar o incremento do seu prezo.
O portavoz municipal do BNG de Cervo, Xoán Antón Estúa, deu a coñecer as emendas parciais presentadas para modificar partidas orzamentarias dos orzamentos 2011 da Xunta de Galiza na busca dun incremento no investimento público para o vindeiro exercizo orzamentario. Para Estúa “o PP non pode poñer escusas en aprobar a emenda para o dragado da presa de Rúa que a propia Delegada Territorial anunciou sen existir partida orzamentaria par a súa execución e que está avalada por acordos tanto dos plenos da corporación de Cervo e Burela”, “esta obra débese executar de inmediato por que así estaba recollida no proxecto inicial ou do contrario terá repercusións moi negativas na calidade e prezo da auga”
Vivenda social e unha escola infantil para asentar poboación no concello e mellorar a conciliación da vida laboral e familiar.
As últimas 15 vivendas sociais construídas en Cervo, executadas e adxudicadas pola anterior Consellaría de Vivenda e Solo, deixaron fora da lista final de adxudicación a 37 persoas que demandaban ter acceso a unha vivenda en propiedade ou aluguer a prezos accesíbeis de acordo co seu nivel de rendas. Estúa “lembrou a constante baixada do censo de poboación do concello de Cervo nos últimos anos” e dixo que “unha boa medida para asentar poboación no municipio e facilitar o acceso á vivenda e débense dar pasos neste sentido”. No mesmo campo social enmárcase a emenda presentada para un proxecto de creación dunha escola infantil no concello, os nacionalistas non se conforman co PAI e queren un servizo de maior calidade polo que demandan unha acción decidida para a posta en marcha dunha escola infantil. “O Punto de Atención Infantil de San Cibrao financiado en boa parte por axudas dunha área nacionalista da Deputación e insuficiente para concertar a vida familiar e laboral polo que debemos camiñar para mellorar ese servizo”, indicou Estúa, “que aproveitou para lamentar a demolición do edifico de infantil do Rivera Casas que sería un lugar perfecto e céntrico para situar ese servizo.”
Balseiro tamén terá ocasión de apoiar a redacción do proxecto para o cinto industrial de ALCOA, a recuperación e consolidación do Castro da Atalaia e outra para a reparación de danos causados polo Becky.
Os nacionalistas cenvenses tamén “agardan que Balseiro poña o seu voto ao servizo dos seus veciños e veciñas” apoiando as emendas presentadas para a “recuperación e consolidación do Castro da Atalaia”, a “redacción do proxecto para o cinto industrial de ALCOA” ou o incremento de partidas dedicadas a recuperar danos causados polo Becky e previr outros que se puideran darse no futuro na zona portuaria de San Cibrao.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
