Nota de prensa:
CANDO E GONZÁLEZ LEGAZPI DEMANDAN UNHA RESONANCIA MAGNÉTICA ESTABLE NO HOSPITAL DA COSTA, A CONSTRUCCIÓN DUNHA ESCOLA INFANTIL OU O DRAGADO E LIMPEZA DO ENCORO DE RÚA. ÉSTAS SON ALGUNHAS DAS ENMENDAS QUE O BNG LEVA AO PARLAMENTO EN DEMANDA DE MÁIS INVESTIMENTOS PARA BURELA NOS ORZAMENTOS DA XUNTA DE 2011.
Burela, 9 de decembro de 2010. A tenente de alcalde, Neves Cando, e o concelleiro de Comercio e Turismo, José González Legazpi, deron a coñecer esta mañá as enmendas que a súa formación levará ao parlamento galego en demanda de máis investimentos da Xunta no 2011 para Burela.
A edil nacionalista explicou que “estes días vánse debatir no parlamento galego os orzamentos da Xunta para 2011 e desde o BNG presentamos unha serie de enmendas porque, como diciamos no pasado mes de outubro, os orzamentos que presenta o PP para Burela son unha auténtica burla para todos os veciños e veciñas do noso pobo. Nese proxecto presentado pola Xunta só se contemplaba para Burela unha cantidade para o acceso ao porto, outra para reformas e equipamento no Hospital da Costa e unha pequena dotación para o centro de saúde. Iso é todo e si facemos unha comparativa dos últimos anos, si no 2009 nos últimos orzamentos feitos polo anterior goberno galego do PSOE e do BNG os investimentos en Burela eran de máis de 6 millóns de euros, pasamos no 2010 a uns orzamentos do PP onde baixaron aos 2 millóns de euros e agora para o 2011 só hai consignados algo máis de 700.000 euros nesas partidas anteriormente mencionadas”.
Neves Cando lembrou que “no pleno que celebramos no Concello de Burela o pasado mes de outubro no equipo de goberno presentamos unha moción que incluía unha serie de actuacións para introducir nos orzamentos da Xunta do ano que ven e relativa ás necesidades do noso concello. Nesa sesión o PP de Burela aprobou esta moción nosa recoñecendo así o que nós viñamos dicindo de que os orzamentos da Xunta eran ridículos e vergoñosos para Burela. Agora agardamos tamén que, en coherencia, o PP na Xunta recolla estas enmendas nosas aprobadas por unanimidade en Burela. Ditas enmendas refírense a actuacións moi concretas e necesarias para o noso pobo: un impulso decidido para o acceso ao porto, a dotación dunha resonancia magnética estable para o Hospital da Costa, o desenvolvemento do plano de mellora de atención primaria no noso centro de saúde, a atención aos servizos sociais e á dependencia coa concertación de prazas para o centro de día da Fundación Eu Son, continuar o plano director do porto de Burela, a construcción dunha nova escola infantil, a rexeneración e recuperación das pinturas da Vila do Medio e o dragado e a limpeza do encoro de Rúa, tan importante para o noso abastecemento de augas”.
A tenente de alcalde considera que “éstas son as necesidades básicas e urxentes para Burela e agardamos que como tales sexan recoñecidas polo goberno do PP e incorporadas aos orzamentos do ano 2011, tal e como se aprobou por unanimidade no pleno do Concello, porque senón é así sería moi difícil e inxustificable a postura do PP de Burela, porque non vale dicir aquí unha cousa e outra distinta en Santiago”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
