Nota de prensa:
VILLARES LÉMBRALLES AOS RESPONSABLES DA DEPUTACIÓN QUE A AMPLIACIÓN DO MUSEO DO MAR “ESTÁ NAS SÚAS MANS”
● O rexedor local fixo estas declaracións durante unha roda de prensa ofrecida este mediodía xunto co tenente de alcalde e parlamentario autonómico José Manuel Balseiro.
● Os dous edís cervenses reiteraron a necesidade de que os responsables provinciais adquiran un compromiso firme “e plasmado en negro sobre branco” da súa intención de adquirir o terreo colindante ao museo sancibrense.
Cervo, 3 de decembro de 2010.- O alcalde de Cervo, Alfonso Villares, lembroulles unha vez máis aos actuais responsables da Deputación de Lugo que a ampliación do Museo Provincial do Mar de San Ciprián “está nas súas mans”. O rexedor local fixo estas declaracións durante unha roda de prensa ofrecida este mediodía xunto co tenente de alcalde e parlamentario autonómico José Manuel Balseiro.
Na súa intervención Villares reiterou dos responsables provinciais un compromiso “firme e plasmado en negro sobre branco” da súa intención de adquirir a leira colindante ao museo sancibrense. “Levan tres anos e medio mareando a perdíz e xa non enganan a ninguén” asegurou o alcalde.
O rexedor fixo unha enumeración exhaustiva de tódolos trámites e xestións feitos polo Goberno local para facilitar que o ente provincial materializara a compra da finca necesaria para ampliar o museo. Neste senso recordou que existe dende 2005 un acordo plenario da corporación cervense adoptado por unanimidade no que se insta á Deputación a adquirir os terreos necesarios para ampliar o museo “e sen embargo, a pesares deste compromiso impulsado por tódalas forzas políticas deste concello e aprobado por concelleiros que agora teñen responsabilidades neste organismo, os actuais responsables provinciais non levan feito nada por materializalo e garantir deste xeito o futuro do Museo do Mar”.
Villares asegurou que os políticos que gobernan o ente provincial levan tres anos e medio mentindo en torno a este tema “porque se non, non se explica que estiveran dicindo reiteradamente que estaban en negociacións para comprar a finca e tivera que saír a súa propietaria a desmentir tales afirmacións asegurando que nunca lle fixeran unha oferta formal polos terreos”. Tamén dixo que o Concello fixera todo canto estivera na súa man para que a Deputación xestionase esta compra “e a pesares de terlle advertido que os propietarios tiñan solicitado un estudio de detalle nesa finca en infinidade de escritos e comunicacións nunca obtivemos nin unha soa resposta”.
Para Villares Bermúdez é triste que despois de todas as xestións feitas dende o Goberno local para dilatar ao máximo -“e dentro da legalidade”- a tramitación do estudio de detalle solicitado pola propietaria da finca “teñamos por riba que escoitarlles dicir aos responsables da Deputación que o Concello de Cervo carece de lealdade institucional neste asunto. E isto -continuou- é aínda máis triste se temos en conta que nesta corporación municipal hai membros que aparentemente gobernan ou teñen mando nesta institución: un coma membro do Goberno provincial e outro como asesor deste organismo”.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
