Despois da saír á palestra a denuncia de O Tesón da desfeita das vidrieiras do cemiterio, tal parece que o tema quixérase que pasara desapercibido: un único artigo na Comarca, de Pancho Campos (1), tras o da fin de semana no que saía nos medios a nota de O Tesón (2) e o artigo en ribadeando (3). As fotos (públicas, en flickr (4) ou en facebook (5), tomadas por Pancho e etiquetadas como ‘Vidrieiras da capela do Cemiterio’), son un complemento, sen máis. Pancho Campos é o Presidente de O Tesón, e eu, o secretario. É dicir, ata o momento, fora da avv, algunha cousa nos medios que indica que se vai abrir/que se ten aberto unha investigación por parte do concello, e punto. Mentras, hai oito vidrieiras cun valor que non se cuantificou polo de agora, pero que todo apunta a que é grande, e que pasaron a mellor vida no camposanto. Un camiño que parece ser o que se pretende coa historia mesma da denuncia.
Pois non.
Cando esto escribo, supoño que dúas semanas aínda é pouco, e por iso non se voltou a saber nada oficial do tema. Supoño asemade que as institucións de diverso tipo necesitan para reaccionar tamén un tempo, e aínda non o deron feito, pero que o farán.
Mentras, o lugar que ocupaban as vidrieiras ven sendo ignorado (e mellor así, a estética actual do lugar non admite comparación algunha coa anterior). E seguen vai saber onde, pero de calquera xeito fixo que como estaban despois do articidio: amontoadas por cachos, en moitos casos separados, en moitos rotos, en moitos aínda con outros tipos de feridas como as derivadas do lume. En todos, en mal estado.
A recuperación, como di Pancho no seu artigo, non se ve nada clara. Así, quizáis fora cousa de abrir un debate sobre o mellor xeito de facelo. De dar ideas que podan facilitar unha hipotética recuperación.
Apúntome. As respostas poden ser dadas en moito sitios. Nestas páxinas, no blog de O Tesón, direitamente no concello, nos medios de comunicación, nun dos varios sitios que en internet tentan facer de Ribadeo un lugar mellor, …
Ideas para a recuperación das vidrieiras. Son necesarias. Tamén o son para evitar que isto pase como auga de maio. A recuperación do debuxo que facían, o rescate de fotos que podan axudar a ver como eran, os detalles de como estaba o chumbo de suxección, ou mesmo da estrutura de soporte (algo deteriorada, o que poidera ser o detonante da situación actual), un protocolo de actuación para a conservación de bens de Ribadeo, … Cousas a facer de xeito paralelo á denuncia. Non se trata de procurar culpas onde non as hai nin de escamotear onde as poidera haber. Trátase de facer as cousas o mellor posible, de gardar o noso patrimonio, de procurar facer un Ribadeo mellor.
Antonio Gregorio Montes
1.-Ver a Comarca de 27/11/2010 ou http://ribadeando.blogspot.com/2010/11/brutalidades-por-pancho-campos.html
2.- http://o-teson.blogspot.com/2010/11/nota-de-prensa-sobre-as-vidrieiras-do.html
3.- http://ribadeando.blogspot.com/2010/11/un-momento-pero-non-habia-vidrieiras-ai.html
4.- http://www.flickr.com/photos/38183746@N04/sets/72157625403296117/
5.- http://www.facebook.com/album.php?aid=2062218&id=1430221903
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
