Nota de prensa
ARIAS ANUNCIA EN CERVO UN INVESTIMENTO DE PRETO DE 400.000 EUROS EN LABORES DE PREVENCIÓN DE INCENDIOS E TRATAMENTOS SILVÍCOLAS NA MARIÑA
* A delegada territorial da Xunta visitou hoxe as obras de repoboación que se levan a cabo no monte A Bidueira, próximo á capital do municipio mariñao
Cervo, 18 de decembro de 2010.- A Consellería de Medio Rural ven de adxudicar contratos para a realización de obras de prevención de incendios e de tratamentos silvícolas no distrito forestal da Mariña por importe global de 394.852 euros.
Así o expuxo a delegada territorial da Xunta, Raquel Arias, durante a visita aos traballos de reforestación que deron comezo nos últimos días nun monte próximo á capitalidade de Cervo, cuxo alcalde, Alfonso Villares, acompañou á representante do Executivo galego durante a revisión das tarefas desenvolvidas. A actuación lévase a cabo no monte A Bidueira, un espazo forestal no que se están a plantar especies autóctonas como castiñeiros, salgueiros ou abeleiras.
Esta iniciativa beneficia a unha área de 5 hectáreas e prima o uso social por parte dos veciños sobre a rendibilidade económica do monte. Na súa execución colabora a Asociación A Bidueira, de Cervo, presidida por José Francisco Rodríguez Mon, quen tamén acompañou á delegada nesta visita.
Arias referiu que na actualidade acométense na Mariña máis de medio cento de proxectos. A meirande parte do investimento, 229.784 euros en concreto, destínase a traballos preventivos contra o lume, centrados especialmente na mellora de devasas e de pistas, tarefas de desbroce e habilitación de depósitos de auga.
No caso concreto do concello de Cervo, intégranse neste capítulo as obras de reforma dunha devasa na parroquia de Rúa, que afectan a 1,90 hectáreas de terreo, e na devasa de San Román (2,10 hectáreas), así como a ubicación do punto de auga -tamén na parroquia de Rúa-, e a mellora de 7 quilómetros da pista da Fraga, que chegará ata o refuxio dos cazadores.
Polo que respecta ás tarefas de repoboación forestal, Medio Rural actuará sobre 79,66 hectáreas dos concellos mariñaos de Ourol, O Vicedo, Viveiro e Xove, traballos aos que destina 141.852 euros.
A consellería utilizará en todo caso especies autóctonas para proceder á repoboación, pinos na maior parte pero tamén bidueiros e carballos. Actuará nos montes de Castelo, Silvarrosa, Lombo do Medio, Padrón, Seixos Albos, Peón, a Serra de Loibán, Costa da Laxa Moura, a Costa de Cebrán e Raso.
Estes labores deron comezo hai algunhas semanas e estenderanse ata o exercicio do 2012, xa que teñen un prazo de execución de 18 meses.
Por último, rematan neste mesmo mes os traballos de tratamentos silvícolas aplicados en montes de Ribadeo e Trabada, nos que se investiron 23.216 euros.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
