* Carta a un maltratador é unha narración de Carmen Ventoso Lista
Onte estiven con mamá. Conteille que tal che vai na túa nova casa. Xa lle dixen que non estás moi contento, porque as túas vistas non son moi boas e os teus veciños son todos homes moi raros. Acórdaste dos Pérez? Eran moi boas persoas, espero volver velas pronto algún día. Cando cumpra os dezaoito anos sacarei o carné de conducir e irei velos. Pero ata aí aínda queda moito. Cando eu sexa maior de idade, a ti aínda che quedarán uns vinte anos para poder ires vivir a outra casa. Supoño que non volverás a Galicia, que te irás a outro lugar de España. En fin, o avó dixo que cando saíras de Picassent ía ir por ti. Non comprendín moi ben porque dixo iso. Dende que mamá marchou, el sempre está chorando.
Cambiando de tema, o luns pelexeime cun rapaz no colexio. Non te preocupes porque gañei eu. Despois de que me pegara o primeiro empurrón, acordeime de cando lle pegabas a mamá. Nunca o facías coa man aberta, así que deille un “puñetazo” a Óscar na cara. Quedoulle o ollo dunha cor morada, como tirando a negro, case a mesma cor que tiña mamá cando batera co marco da porta. Vaia coincidencia!
Despois a directora do colexio castigoume, pero eu insulteina como facías ti, para ver se así me tiña medo e me deixaba en paz. Pero ela non era como mamá, canto máis lle berraba, máis me castigaba.
Ben papá, teño que despedirme, que pola tarde celebro o meu sétimo cumpreanos e teño que ir ver a mamá o cemiterio. Ela sempre decía que pasara o que pasara estaría o meu lado. Que mentirosa! Agora está soterrada baixo o nicho 61 e son eu o que sempre teño que ir ó seu lado. Ademais, cando vou pola rúa, camiño do cemiterio, as señoras maiores sempre me din:-Pobre neniño, que perdeu a seus pais!
Eu penso que debe ser cousa da idade porque non as entendo; ti estás no cárcere e mamá no cemiterio así que non perdín a ningún.
Un bico, papá! Quérote moito
Martiño
*Traballo orixinal de Carmen Ventoso Lista, gañador da certame de narración “Carta a un maltratador” da delegación de Asuntos Sociais de Cervo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
