Nota de prensa:
APROBADA UNHA INICIATIVA SOCIALISTA PARA DECLARAR BEN DE INTERESE CULTURAL OS RECINTOS DOS COMPLEXOS CO CASTRO DE SAMOEDO E SARGADELOS
– O deputado Francisco Cerviño di que ninguén pode negar que deben ser hoxe considerados “de interese relevante para a permanencia e identidade cultural galega a través do tempo”
– Cerviño destacou o traballo incansable de Isacc Díaz Pardo no mecenazgo de Edicións do Castro “gracias infinitas pola súa labor”
– Asegurou que para que haxa unha continuidade laboral na empresa Sargadelos é fundamental o mantemento e conservación das súas infraestructuras
Santiago de Compostela, 15 de decembro de 2010. O parlamentario socialista Francisco Cerviño interveu hoxe no Pleno da Cámara, mediante unha proposición, para reclamar á Xunta que inicie axiña os expedientes para declarar Ben de Interese Cultural os recintos dos complexos do Castro de Samoedo e Sargadelos, ligados ao Laboratorio de Formas, incluíndo as coleccións e bibliotecas neles contidos. A iniciativa, que foi transaccionada, foi aprobada por unanimidade.
Na súa intervención Cerviño destacou o traballo incansable de Isacc Díaz Pardo no traballo de mecenazgo de Edicións do Castro e no complexo de Sargadelos “gracias infinitas pola súa labor”. Replica que a modernidade e vangarda cultural de Galicia están reflectidos no Laboratorio de Formas. E asegurou que para que haxa unha continuidade laboral na empresa Sargadelos é fundamental o mantemento e conservación das súas infraestructuras.
Cerviño explicou que o Laboratorio de Formas (LF) e os complexos do Castro de Samoedo (Sada) e Sargadelos (Cervo), constitúen un conxunto de bens materiais e inmateriais insuperable que “polo seu recoñecido valor propio”, e por iso deben ser “considerados como de interese relevante para a permanencia e identidade da cultura galega a través do tempo”.
Advirte que estes dous conxuntos arquitectónicos, que responden tamén ao concepto de bens inmateriais, porque, como se di nunha publicación de Edicións do Castro: “fican vencelladas por unha arela común agromada por galegos desterrados na América: volver traballar a prol do país, estudando, producindo e divulgando; traspasando cos máis adiantados coñecementos o fondo esencial e diferencial de Galicia”.
A maiores di que ninguén pode negar que deben ser hoxe considerados “de interese relevante para a permanencia e identidade cultural galega a través do tempo”. Dixo que ninguén pode negar que o éxito da empresa foi extraordinario, e deste importantísimo patrimonio inmaterial, xerouse un patrimonio material excepcional no Castro de Samoedo e en Sargadelos.
O Castro de Samoedo está constituído por tres edificios: A fábrica de Cerámica, cun mural de grandes dimensións de Luis Seoane, o edificio hexagonal de Fernández Albalat que alberga o Museo Galego de Arte Contemporáneo, e o laboratorio de Industria e Comunicación, que contén a colección de pezas orixinais de cerámica deseñadas por Isaac Díaz Pardo, de gran valor artístico e histórico, cunha fermosísima escaleira exterior de porte estructuralista e, cos seus anexos de taller de artes gráficas, fornos e papel. No exterior do edificio hexagonal hai unha fermosa fonte de Pérez Porto, que celebra o 100 aniversario do nacemento de Castelao.
En Sargadelos, o conxunto de edificios está formado polo de planta circular co Laboratorio de Formas e Construción, e as salas de exposición e os museos de cerámica, o edificio semicircular onde está o seminario Sargadelos, e os edificios do Laboratorio de Análise (Cristal), Planta xeral de reprodución, e o de secadoiros e formas, todo iso unido por torres de enlace e pasos aéreos, de gran beleza e donaire, de influenza estructuralista, obra de Fernández Albalat, e, ao parecer, con deseño do propio Isaac Díaz Pardo.
TEXTO APROBADO POR UNANIMIDADE NO PLENO DO PARLAMENTO;
Reclamar á Xunta que inicie axiña os expedientes para declarar Ben de Interese Cultural os recintos dos complexos do Castro de Samoedo e Sargadelos, ligados ao Laboratorio de Formas, incluíndo as coleccións e bibliotecas neles contidos; de xeito que o expediente relativo ao Complexo de Sargadelos complete integramente a declaración en vigor.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
