Nota de prensas
A Mariña, protagonista de catro das seis rutas
de Km0 previstas para esta semana
Preto de 300 persoas redescubrirán estes días a Costa luguesa, a Ribeira Sacra
e a Terra Chá co programa co que a Deputación crea emprego na provincia
A Deputada de Economía, Regina Polín, recibiu este martes a un grupo de solicitantes individuais e a outro da Asociación de Xubilados de Taboada dentro de Km0, o programa co que o organismo provincial demostrou que o medio ambiente é a oportunidade económica da provincia e contribúe a manter uns 3.000 postos de traballo directos e indirectos en distintos sectores. Esta semana a Mariña é a protagonista das rutas elexidas polos participantes, xa que 4 das 6 viaxes previstas inclúen visitas a esta zona da provincia. Concretamente, 206 persoas das 278, que participarán esta semana no programa impulsado pola Deputación, redescubrirán ós Concellos de Foz, Ribadeo e O Vicedo.
Os solicitantes individuais percorreron o Centro de Artesanía e Deseño para logo desprazarse ata o municipio focense, onde coñeceron as praias da Rapadoira e o porto. Tamén fixeron a ruta de sendeirismo polo río Ouro e visitaron as ruínas do Castelo-Fortaleza Pardo de Cela. Pola súa banda, os veciños de Taboada elexiron o Mazo de Santa Comba, dentro dos centros dependentes da Deputación. A continuación, no municipio de Ribadeo, percorreron o Centro de Cultivos Mariños, o casco histórico e o Mosteiro das Clarisas. Completaron o itinerario cun paseo pola ría.
O mércores, veciños de Xermade optarán pola ruta “Illa Coelleira”, que inclúe un percorrido dende o faro ata o mirador, ademais de sendas visitas á praia e ó porto do Vicedo. Previamente, coñecerán o Mazo de Santa Comba. Ese mesmo día, integrantes da asociación de viúvas “Pilar Otero” de Foz redecubrirán a oleiría de Bonxe para logo viaxar ata o sur da provincia, onde coñecerán o balneario de Augas Santas, o Pazo de Goián e a adega Moreiras.
Finalmente, o xoves, un grupo da Asociación de Veciños de Requeixo (Chantada) decantaranse polo municipio de Foz, onde farán un percorrido a pé ata o Pozo da Onza, e visitarán a igrexas de Cangas, a praia da Polas e Xuncos, o porto de Nois e o castro de Fazouro. Asimesmo, membros da Asociación Artística-Recreativa da Muller Traballadora de Lugo, logo de seren recibidas no Pazo de San Marcos, coñecerán as instalacións do Centro de Artesanía e Deseño. A continuación, desprazaranse ata Xermade, municipio no que visitarán o parque eólico de Sotavento e o taller de madeira.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
