NOTA DE PRENSA
A Fundación TIC difunde o labor de 38 asociacións e empresas coa participación de bolseiros da EIS
– Gómez Besteiro asina novos acordos con representantes de 9 empresas, que incorporaron con éxito as novas tecnoloxías nos seus modelos de negocio, para difundir as súas actividades a través de vídeos promocionais
– O Presidente subliña que “con estas colaboracións contribuimos á inserción laboral dos nosos antigos alumnos e fomentamos o uso das novas tecnoloxías no tecido industrial da provincia”
O Presidente da Fundación TIC e da Deputación, José Ramón Gómez Besteiro, e representantes de 9 empresas da provincia, que incorporaron con éxito as novas tecnoloxías nos seus modelos de negocio, asinaron este martes os convenios de colaboración para difundir as súas actividades a través de vídeos promocionais nos que participarán bolseiros da Escola de Imaxe e Son; o único centro da provincia que imparte ensinanza especializada do eido audiovisual. A semana pasada, Gómez Besteiro chegaba a acordos con outras seis asociacións sen ánimo de lucro, polo que con estas suman un total de 38 as asociacións e empresas coas que colabora a Fundación para difundir o labor que están a desenvolver.
Gómez Besteiro apuntou que “neste caso, ademais de contribuír á inserción laboral dos nosos antigos alumnos, damos a coñecer o labor de empresas da nosa provincia que son un exemplo do uso das novas tecnoloxías, unha ferramenta básica para ser competitivos no século XXI”. Neste senso, lembrou a aposta decidida do organismo provincial pola implantación das novas tecnoloxías, tanto na administración como no eido privado a través do programa Innova-TE, dotado con 9 millóns de euros e co-financiado nun 70% con fondos europeos.
No acto de sinatura, ademais do Presidente participaron os xerentes de Agrodynamics, Pablo Condo; ChampionChip Norte, José Sánchez; Porco Celta, Pablo Valledor; Asin Informática, Beatriz Varela; Academia JMRivas, José Manuel Rivas; Pleiteando.com, Rodolfo Alonso; Lugar da Veiga, Xosé Luis Lamazares; Granxa Maruxa, Marta Ávarez; e Porto Celeiro, Eduardo Míguez. Deste xeito, Gómez Besteiro cumpre o compromiso asumido con estas entidades no primeiro almorzo tecnolóxico da provincia celebrado no mes de outubro no que participaron estas empresas; unha iniciativa enmarcada dentro das actividades do Innova-TE. Os documentos audiovisuais serán realizados polos profesionais e polos alumnos do organismo dependente da Deputación.
Asociacións colaboradoras
Con estas 9 incorporacións, son un total de 38 as asociacións e empresas coas que colabora a Fundación para difundir o labor que están a desenvolver. Esta ano asináronse outros 18 convenios con organizacións sen ánimo de lucro e deportivas, que se engaden ós 11 que xa estaban en vigor en 2009. Todos os acordos inclúen a participación de bolseiros da EIS “para que complementen a súa formación e tomen contacto co mundo laboral, xa que o emprego é a nosa máxima prioridadade”, apuntou Gómez Besteiro.
Ademais das empresas que asinaron o convenio hoxe, a Fundación colabora con: A Sociedade Micolóxica Lucus; Asociación de Autonómas Empresarias e Profesionais da provincia de Lugo; Asociación A Cova da Terra; Real Aeroclube de Lugo, Asociación amigos do Jazz ” Escobijazz”, Asociación Coral Polifónica Francisco de Fientosa de Castro de Rei.
Asimesmo, mantén colaboracións para o fomento do deporte base na provincia coas seguintes entidades: Escudería Miño, Agrupación Deportiva A Pinguela, Agrupación Deportiva Fefeme Triatlón, Clube Cidade de Lugo Fluvial, Clube Tenis de Mesa Dez Portas, Clube Deportivo Arco Muralla, Clube Natación Portamiñá, Clube Patíns Lóstregos Lucus, Clube San Fernando Lucus Caixa Rural Galega, Clube Ciclista Cidade de Lugo, Sociedade Deportiva Cultural Polvorín e Clube Emevé.
A Fundación TIC tamén difunde o labor de varias asociacións sen ánimo de lucro: Asociación Down Lugo, Asociación de Familiares de Enfermos de Alzheimer (AFALU), Asociación “Raiolas”, Fundación UNICEF, Asociación Lucense de Xordos (ALUSOR), Federación de Asociacións de Familiares de Enfermos Mentais (FEAFES), Asociación San Vicente de Paul, ANADE, ASPNAIS, Preescolar na Casa e Fundación Azkar
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
