Nota de prensa:
A ÁREA DE BENESTAR FINANCIA CON 48.000 EUROS A PROXECCIÓN DE ESPAZOS INTERIORES NO CENTRO DA TERCEIRA IDADE DE MONFORTE
Na xunta de goberno se aprobaron addendas en convenios asinados entre a Deputación e concellos (Riotorto, Sarria e a Pobra de Brollón), ademais dunha modificación no convenio coa Fundación Manuel María
LUGO, 27 de decembro de 2010. Antonio Veiga, delegado de Cultura e Deporte da Deputación de Lugo, anunciou hoxe na rolda de prensa posterior á xunta de goberno que na mesma se trataron varios asuntos: un deles relativa á Área de Benestar, xa que ven de aprobarse o convenio que regulará a concesión dunha subvención ao concello de Monforte, por importe de 48.252 euros, para a dotación de equipamentos aos centros da terceira idade, no proxecto denominado “Proxección de espazos interiores no centro da terceira idade”. Tamén se aprobou a concesión dunha subvención ao concello de Monforte dentro da Área de Cultura e Deporte, por importe de 63.237 euros, que se destinará a sufragar as “Actividades culturais de verán 2010”.
O delegado de Cultura e Deporte deu conta, ademais, de que como asuntos de urxencia da xunta de goberno tamén se tratou a concesión dunha subvención ao concello de Barreiros, de 45.287 euros, que será dedicada a rehabilitación das escolas de Celeiro de Mariñaos. Estas escolas construídas nos anos 60, foron propostas polas asociacións de veciños do como centro social e cultural, xa que dende hai moitos anos xa non cumpren funcións de centro educativo.
Para a realización de actividades de promoción cultural recibe unha subvención o concello de Burela, por importe de 39.000 euros. Nese mesmo concello, apróbase a concesión dunha axuda de carácter excepcional por importe de 20.000 euros, que será destinada á reparación e mellora da casa da xuventude. E para a construción da pista de pádel de Burela, se concede ao concello unha axuda de 30.000 euros, grazas á cal, como explicou Veiga, “ven a completarse o complexo deportivo da Marosa, que xa conta con dous campos de fútbol, un de herba artificial e outro de herba natural, e unha pista de tenis. Por outra banda, o C.D. Foz recibirá unha axuda tamén aprobada nesta xunta de goberno, por importe de 24.400,60 euros, para o acondicionamento de aseos e vestiarios do campo de fútbol.
Na xunta de goberno tamén se acordou resolver a convocatoria de catro bolsas formativas en materia de monitores deportivos para a Área de Cultura e Deporte. Como explicou o delegado, “son 20.000 euros en total, 5.000 para cada bolsa, e os bolseiros son Cristina Somoza Argibay, Sesenando Guillermo Peinó Souto, Daniel Cordido Fernández e Alejandro Polo Lugilde”. Aprobouse a relación de bolseiros suplentes, en orde de prioridade.
Modificacións
Na xunta de goberno, chegouse ao acordo de levar a cabo varias modificacións nalgúns dos convenios aprobados. Dous deles atinxen ao concello de Riotorto: o primeiro polo convenio para levar a cabo a dinamización dos centros veciñais, quedando establecido que o prazo para presentar a documentación xustificativa remate o día 30 de xuño de 2011; o segundo, relativo ao chamado “Plan do ferro”, e o prazo para presentar a documentación xustificativa remate o día 30 de xuño de 2011 para as actuacións realizadas ata o 31 de maio de 2011 e o 31 de marzo de 2012 para o resto das actuacións correspondentes ao ano 2011.
Outras addendas aprobadas refírense, por unha banda, ao convenio entre a Deputación e o concello de Pobra de Brollón, para a rehabilitación do polideportivo municipal. Esta modificación, como explicou Veiga, “tamén se refire aos prazos, quedando establecido o prazo para a execución da obra fixado até o 31 de decembro de 2010 e o prazo para a presentación da documentación xustificativa, comezará unha vez asinado este convenio e finalizará o día 31 de xaneiro de 2011.
Outras modificacións se realizaron no convenio que a Deputación asinou co concello de Sarria, en canto as obras pendentes de execución para adaptación do cárcere comarcal. O delegado de Cultura e Deporte anunciou que “se modificaron varias cláusulas: a cuarta, onde se especifica cales se consideran gastos subvencionables; a décima, onde se especifica a documentación xustificativa que ten que presentar o Concello; a décimo primeira, onde se especifican os prazos para a presentación da documentación, que queda establecido no día 31 de maio de 2011, e a décimo quinta, onde se especifica a vixencia do convenio.
Por último, aprobouse tamén na xunta de goberno a modificación da cláusula novena do convenio entre a Fundación Manuel María de Estudos Galegos e a Deputación, para a adquisición e reforma da casa de Manuel María, quedando fixada no 30 de maio de 2011 a data límite para a presentación da documentación acreditativa da titularidade da Fundación sobre o inmoble obxecto de subvención antes do comezo das obras. A este respecto, Antonio Veiga explicou que “a achega da Deputación para esta reforma foi de 275.000 euros, e fíxose en 2 anualidades, e participaron, ademais da Deputación de Lugo, a Deputación da Coruña, o concello de Monforte, o de Lugo e o de Outeiro de Rei: é dicir, todos cos que Manuel María mantivo unha intensa relación”. Aclarou que “a día de hoxe ainda non sabemos si a Deputación de Ourense vai colaborar co proxecto de reforma da casa de Manuel María”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
