NOTA DE PRENSA
Lara Méndez destaca o esforzo inversor da Deputación en Cervo, onde investiu este ano preto de 2 M€
– A Vicepresidenta Segunda visitou varios núcleos poboacionais deste Concello nos que o organismo provincial executou obras de mellora co Plan de Comunidades Veciñais de 2010
– Méndez subliña que “fronte a unha Xunta que se ampara na falta de cartos para non facer nada, a Deputación soluciona os problemas que temos os veciños de Cervo”
– A Vicepresidenta 2ª anuncia que en 2011 a Deputación pavimentará con aglomerado en quente máis de 10 quilómetros de estradas provinciais dentro da Conservación
A Vicepresidenta Segunda, Lara Méndez, destacou o esforzo inversor que a Deputación realizou en 2010 no municipio mariñano de Cervo, e que ascende a preto de 2 millóns de euros. Lara Méndez fixo estas declaracións durante a visita a varios núcleos poboacionais deste Concello, nos que o organismo provincial executou varias obras de mellora dentro do Plan de Comunidades Veciñais de 2010.
Para Lara Méndez estas cifras “demostran o enorme compromiso que o Presidente ten cos Concellos da provincia, e que se reflicten no Orzamento do vindeiro anon que é o da máxima cooperación municipal. É dicir, fronte a unha Xunta que se ampara na falta de cartos para non facer nada e permite medidas tan destructivas como o ERE de Sargadelos que afecta a unha trintena de traballadores ou o retraso do corredor a 2017, a Deputación inviste máis ca nunca e soluciona os problemas que temos os veciños de Cervo e de toda a Mariña”.
Máxima colaboración
Exemplos desta colaboración son a pavimentación de pistas nos núcleos de Pereiro e na Ponte de Rúa, que foron supervisados pola Vicepresidenta Segunda e que se inclúen no plan de obras comunitarias deste ano. En total, dentro desta iniciativa inclúense outras 5 actuacións, que se suman á anterior e que supuxeron un investimento de 72.300 euros.
O organismo provincial tamén mellorou varias infrasestruturas en Cuíña, Maderio, O Seixo, Viladesuso, Casas Novas e Daián, dentro do Plan de Pequenas Infraestruturas deste ano para municipios de menos de 5.000 habitantes, e acondicionou varios viais de titulariade municipal coa colaboración das máquinas do Parque Móbil.
Asimesmo, destina máis de 180.000 euros á conservación e mantemento dos máis de 42 quilómetros de vías provinciais e 1,5 millón de euros á mellora de preto de 3 quilómetros da estrada provincial CP 1502 que beneficia ós veciños das parroquias de Vilaestrofe a Rúa.
Ademais, Cervo é un dos 51 municipios que pronto estrearán a administración electrónica graza ó Innova-TE; o programa cofinanciado nun 70% por fondos FEDER que garante a implantación da administración electrónica en menos dun ano, e que permitirá ós veciños realizar 120 trámites cos Concellos e coa Deputación se a administración autonómica garante o acceso á banda longa.
Máis de 10 quilómetros con aglomerado en quente en 2011
A Vicepresidenta Segunda tamén anunciou que a Deputación ten previsto para o vindeiro ano, dentro da Conservación da rede viaria provincial, pavimentar máis de 10 quilómetros pertencentes ás estradas CP 1510, 1501 e 1508, que comunican a este Concello. “Os veciños de Cervo son os auténticos beneficiarios desta actuación, xa que a Deputación traballa con previsión e racionalidade para non ter que tocar estas estradas en moito tempo grazas á calidade do aglomerado en quente”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
