Nota de prensa
A Deputación edita a primeira publicación de Galicia que recolle todos os Camiños que pasan pola provincia
– Trátase de “Rutas a Santiago pola provincia de Lugo”, unha guía que enmarca se dentro de Km0 a Compostela; o programa co que o organismo provincial se converteu na 1º administración cunha programación previa ó Xacobeo e polo que pasaron unhas 1.000 persoas
– Preto de 300 fotografías amosan o patrimonio cultural e turístico dos 33 Concellos polos que pasan as catro Rutas, incluída a de Inverno malia que aínda non foi recoñecida oficialmente pola Xunta
– Como colofón ó Ano Santo, a Deputación presentará este sábado no Castelo de Pambre esta publicación da que editaron 1.000 exemplares que serán distribuídos como agasallo institucional e a todos os municipios do Camiño
O Presidente da Deputación, José Ramón Gómez Besteiro, acompañado da autora e Presidenta da Asociación Camiños a Santiago pola Ribeira Sacra, Aida Menéndez, e doutro dos colaboradores, Horacio Rouco, presentaron este martes a primeira publicación de Galicia que inclúe todos os Camiños que pasan pola provincia. Trátase de “Rutas a Santiago en la Provincia de Lugo”, a guía editada polo organismo provincial dentro do programa Km0 a Compostela que puxo en marcha o 1 de setembro de 2009 para promocionar as Rutas Xacobeas de Lugo, converténdose na primeira administración cunha programación previa e estable ó Ano Santo.
Gómez Besteiro destacou que “esta publicación é o colofón a todo o traballo desenvolvido ó longo deste ano. Pensamos que o potencial de Lugo non pasaba por ter un só Camiño senón pola suma de todas esas Rutas. A nosa forza real radica nos 800 quilómetros que temos, polo que entre por onde entre o peregrino para ir a Santiago atopa lugares espectaculares, e isto non supón establecer que uns sexan mellores que outros. O Francés está moi asentado, pero ten que haber outros. Ademais, máis alá de 2010 ten que haber vida. Precisamente, Lugo está subindo na súa proxección turísitica e non só polo Ano Santo”.
A publicación contén preto de 300 fotografías que amosan todo o patrimonio turístico, e artístico dos 33 Concellos polos que pasa o Camiño, ademais dunha completa descrición dos catro itinerarios e daqueles desvíos ou rutas secundarias dos que é inexcusable a súa visita, xa que teñen un alto valor e interese medioambiental e patrimonial. En total, editáronse 1.000 exemplares que serán distribuídos en todos os municipios polos incluídos na Ruta Xacobea e será empregado como agasallo institucional da propia Deputación.
Apoio ó Camiño de Inverno
A guía inclúe os catro Camiños: o Norte, que aspira a ser Patrimonio Mundial en 2012, o Primitivo, o Francés e o de Inverno malia que aínda non foi recoñecido oficialmente pola Xunta de Galicia. Neste último caso, o anterior goberno autonómico rompera unha lanza a favor presentándoo por vez primeira como Ruta Xacobea na Feira de Turismo de Valladolid e comprometendo o custe da sinalización con pizarra.
Neste senso, o Presidente destacou que “esta publicación servirá para que obteña a distinción pola que todos estamos loitando. Trátase de sumar e non de restar e agardamos que os 4 Camiños sexan un verdadeiro potencial para a provincia. Nós imos por diante e outros deberán seguir esta estela, e a iso os animamos”.
A este respecto, Aida Ménendez subliñou que “a publicación será unha referencia bibliográfica das rutas xacobeas pola provincia”, e agradeceu a colaboración da Deputación por incluir o Camiño de Inverno, a diferenza do que está a facer o goberno autonómico. A Asociación que preside mantivo varias xuntanzas co Conselleiro de Cultura e en xuño de 2009 presentou un escrito na Xunta para que o departamento autonómico distinguise a este itinerario coa denominación de “Ben de Interese Cultural” como paso previo á declaración oficial.
“Non nos deron contestación a esa solicitude nin sabemos como está a xestión. Non queremos que deixen a documentación enviada no caixón. Penso que é o momento de impulsado, xa que estar de espaldas a esta potencia que temos no sur de Lugo non é de recibo”. A este respecto, o Presidente puntualizou que “das 295 páxinas que ten o libro, 60 están adicadas a esta Ruta”.
Posta en valor do Castelo de Pambre
O máximo mantario provincial tamén anunciou que esta mesma publicación será presentada este sábado, a partir das 12:00 horas, no Castelo de Pambre, en Palas de Rei. “Eleximos este lugar por dous motivos: porque é o último Concello do Camiño Francés da provincia de Lugo e porque así contribuímos a poñer en valor unha das mellores mostras da arquitectura medieval que existe en Galicia e das poucas que quedaron en pé trala revolta irmandiña”.
O acto, aberto ó público en xeral, estará ambientado na época medieval, tal e como esixe o contorno. Para iso contarase coa colaboración do Centro de Artesanía e Deseño. Están convidados todos os Alcaldes e Concelleiros da provincia, autoridades autonómicas, todas as casas de turismo rural da provincia, albergues, asociacións culturais, proveedores de Km0, centros de ensinanza da provincia, incluídos os Universitarios, e todos os veciños da comarca da Ulloa, que residen nos Concellos de Monterroso, Palas e Antas de Ulla.
1.000 persoas fixeron o Camiño en Lugo
A Deputación puxo en marcha o 1 de setembro de 2009 o programa Km0 a Compostela, a través do que unhas 1.000 persoas fixeron o Camiño de Santiago en Lugo, ademais doutras personalidades con ampla repercusión mediática dentro do deporte e da vida social galega e española como: as Cantareiras de Ardebullo e Roberto Vilar, a alpinista Chus Lago, o ex-xogador de baloncesto Fernando Romay e o plantel do Leite Río Breogán, os campións nacionais de rallye, Sergio Vallejo e Luis Moya; ou colectivos como a Sociedade Española do Corazón –SEC- e ONCE Galicia; dos directores de medios de comunicación de Galicia, ou autoridades como o Presidente de Cantabria, Miguel Ángel Revilla.
No mes de setembro a Deputación tamén presentou o primeiro libro que vende a riqueza medioambiental de Lugo na súa totalidade e que recolle as 127 rutas de Km0”; o programa iniciado en 2008 e co que o organismo provincial matén uns 3.000 postos de traballo directos e indirectos na provincia, “polo que este libro vén a ser un complemento extraordinariamente importante a esta Biblia verde”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
