Nota de prensa
PRETO DE 500 ALUMNOS DE OITO CONCELLOS GALEGOS CHEGARÁN A BURELA PARA PARTICIPAR NA SEMANA DE CIENCIA QUE INAUGURARON HOXE NEVES CANDO E MANUEL DÍAZ.
Burela, 9 de novembro de 2010. Preto de 500 alumnos de oito concellos chegarán estes días a Burela para participar na semana da ciencia. Ademáis de montar e programar un robot móvil poderán participar no terceiro concurso galego de robótica. A concelleira de Benestar Social, Neves Cando, e o presidente de Ingaciencia, Manuel Díaz Regueira inauguraron esta cita hoxe pola mañá.
A edil nacionalista sinalou que “con motivo da celebración da semana da ciencia a Institución Galega de Ciencia (Ingaciencia) organiza A maxia da robótica que se desenvolverá en colaboración coas Delegacións de Cultura e Xuventude do Concello de Burela e que terá lugar desde hoxe ata o sábado na Casa da Xuventude”.
Cando explicou que “o obxectivo deste obradoiro é achegar á xente nova e á cidadanía en xeral o mundo da robótica facéndoo comprensible e resaltando a súa importancia e as implicacións no seu propio futuro. Para iso bríndase a oportunidade de participar en grupo na montaxe e programación dun robot móvil e así de maneira sinxela e divertida o alumnado participante familiarizarase tanto cos robots como coa linguaxe da robótica”. A responsable de Cultura e Xuventude dixo que “para este obradoiro non é necesario ter coñecementos en programación electrónica porque está integrada nun chamado ladrillo intelixente e a programación faise nun contorno visual sinxelo para que ata os máis pequenos poidan construir e deseñar os seus robots, dando paso despois á montaxe e á parte de programación ao tempo que se pretenden que sintan a paixón pola aprendizaxe”. Neves Cando engadiu que “os rapaces e rapazas participantes intégranse nun grupo no que deben compartir obxectivos e realizar un traballo colaborativo para poder resolver as tarefas que se lles propoñen, ao longo da experiencia presentaránselles varios desafíos que debe resolver. Ao remate do obradorio, que terá dúas horas de duración para cada grupo, terán acadado un número de puntos que lles permita optar os premios do terceiro concurso galego de robótica 2010”.
Esta proposta está dirixida aos estudiantes de educación secundaria e aos do terceiro ciclo de primaria dos centros educativos de Galicia. Durante esta semana van participar neste obradoiro alumnos de centros de ensino de Ferrol, Lugo, Castroverde, Baralla, Cervo, San Cibrao, Burela, Xove, Ares e Castro Caldelas. Un total de 484 alumnos pasarán durante estes días por Burela e o sábado 13 de novembro ás 11 da mañá será a fase libre do terceiro concurso de robótica e ás 12 horas terá lugar a entrega de premios. Igualmente durante esta semana e ata o venres o público en xeral tamén poderá disfrutar desta Maxia da robótica en horario de 18 a 19 horas na Casa da Xuventude.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
