Nota de prensa:
Unha delegación do BNG visitou as zonas mais afectadas da comarca polos efectos do temporal de vento e choiva da pasada madrugada
Os nacionalistas lamentan o falecemento dunha persoa en Burela
Os nacionalistas urxen tanto ao Goberno Galego como ao do Estado a habilitar partidas económicas que permitan recuperar as infraestruturas danadas e os bens dos particulares
A Mariña, 9 de novembro de 2001. Unha Delegación do BNG na que participaron o Parlamentar, Fernando Blanco, o membro do goberno da Deputación de Lugo, Antonio Veiga, o concelleiro e portavoz municipal en Cervo, Xoán Antón Estúa, e membros da Executiva Comarcal do BNG, valoraron hoxe en San Cibrao despois de visitar diferentes puntos da comarca afectados polo temporal os seus efectos. Os nacionalistas en primeiro lugar lamentaron o falecemento dunha persoa en Burela e deron as condolencias á súa familia e anunciaron unha batería de iniciativas para paliar os efectos do temporal na costa, tanto a nivel do goberno galego como do estatal.
Pesar polo falecemento dunha persoa en Burela e autopsia con dúas horas de espera
Poñendo por diante o pesar do BNG diante do falecemento dunha persoa en Burela e as condolencias á súa familia, a delegación nacionalista denunciou a tardanza de mais de dúas horas na realización da autopsia ao ter que desprazarse dende Lugo a equipa de especialistas e que polo tanto os problemas nas eivas neste servizo na comarca segue existindo.
Falta de previsión coa neve, coas inundacións e agora co ciclón
Despois de visitar diferentes zonas da comarca afectadas polo temporal, o BNG denunciou en San Cibrao que vaga de temporal, “aínda que agardada non foi prevista en toda a súa intensidade, algo que xa ven sendo unha reiteración dende a chagada do goberno do PP á Xunta, nin inundacións, nin nevaradas, nin agora este ciclón puxeron en alerta aos responsábeis da Xunta de Galiza que tampouco habilitou medios de prevención suficientes”
Visita a zonas afectadas e medidas para paliar os danos que permitan unha rápida recuperación da actividade
Os nacionalistas anunciaron unha batería de iniciativas a fin de paliar os cuantiosos danos en infraestruturas e bens privados producidos en moitos puntos da comarca. Neste sentido urxiron ao goberno galego a habilitar as partidas económicas necesarias para repoñer as infraestruturas danadas que sexan de competencia autonómica, ademais de poñer en marcha as liñas de axudas necesarias para recuperar a actividade normal nos portos co maior brevidade.
En San Cibrao comprobaron que os danos son moi cuantiosos, co porto practicamente inutilizado, polo que requirirá importantes investimentos para a súa recuperación; abundando neste feito apuntaron nas reiteradas desfeitas que se veñen producindo neste porto, “sen que se tome ningunha medida de protección”, neste sentido “demandaron a Portos de Galicia que se deixe de facer anuncios para a galería e acometa dunha vez as obras necesarias para evitar catástrofes como esta”, o Presidente de Portos de Galicia veu a San Cibrao a prometer un dique de abrigo novo e no primeiro orzamento que elabora non consigna un só euro para a súa execución”.
O Ministerio de Medio Ambiente ten moito traballo por diante en toda a Mariña.
Os nacionalistas ademais anunciaron iniciativas no Congreso dos Deputados para instar ao Ministerio de Medio Ambiente a que acometa con urxencia a reparación das infraestruturas que son da súa competencia, “hai danos cuantiosos en Burela, Foz, Barreiros ou Ribadeo e outros concellos da comarca que deben ser reparados con urxencia” e que afectan a zonas incluídas dentro do Dominio Público Marítimo Terrestre para o que esixirán a habilitación de fondos para a súa reconstrución. Na mesma liña denunciaron que aínda están sen executar actuacións derivadas doutros temporais na comarca, poñendo como exemplo os casos de Cangas en Foz ou Rueta en Cervo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
