Nota de prensa
OS TRABALLOS DE URBANIZACIÓN DA FUTURA PRAZA DOS CAMPOS DARÁN COMEZO NOS VINDEIROS DÍAS
o A primeira fase das obras, consistente na adecuación do terreo, rematou esta semana
o A adxudicación da segunda fase para crear este novo espazo público en San Ciprián saíu publicada onte no BOP cun orzamento de 846.548,25 euros
Cervo, 13 de novembro de 2010.- Esta semana remataron as labores de adecuación dos 6.470 metros cadrados de terreo que albergarán a futura Praza dos Campos de San Ciprián. Estes traballos forman parte da primeira fase de construción deste novo espazo urbano deseñado polo Concello de Cervo para uso e disfrute da veciñanza e visitantes a esta vila cervense.
Segunda fase
Os traballos preparatorios do terreo deron comezo a primeira semana do pasado mes de setembro e tiveron un orzamento aproximado de 151.000 euros. Unha vez finalizadas estas labores comezarase de inmediato a segunda fase do proxecto, consistente na construción e urbanización da praza. A adxudicación definitiva desta segunda fase dos traballos foi publicada no día de onte no Boletín Oficial da Provincia (BOP) á empresa Construcciones Cazas, S.L por un importe total de 846.548,25 euros e cunhas melloras respecto ao prego de condicións valoradas en 211.032,23 euros.
Proxecto
O proxecto urbanístico deste novo espazo pretende crear un novo espazo de lecer e esparexemento para tódolos veciños de San Ciprián, que poderán desenvolver nel distintas actividades de ocio, así como outras ao aire libre como son o mercado semanal e as principais citas festivas. O financiamento dos traballos para a súa construción corren a cargo da Xunta de Galicia que asinou para este obxecto un convenio co Concello que supera o millón de euros.
Deste xeito San Ciprián poderá contar cun novo espazo público na zona máis céntrica da Península da Paz. Con esta actuación veranse multiplicadas as zonas arboradas, as áreas de repouso e o número de prazas para o estacionamento de vehículos. Aproveitarase tamén para actualizar as redes de saneamento, alumeado público, teléfono e outros servizos da contorna da zona, ademais de urbanizar este gran espazo cun novo pavimento en granito, formigón e asfalto- e de dotar a área cun moderno mobiliario urbano.
Deporte, repouso e xogos infantís
No proxecto construtivo destacan, pola súa importancia dentro do espazo da futura praza, as áreas destinadas a albergar actividades deportivas (unha cancha de xogo, cos laterais cubertos para evitar a perda de balóns), os espazos para o repouso (con mobiliario elixido con criterios estéticos, ergonómicos e funcionais) e dúas amplas zonas para os xogos infantís, as máis grandes de todo o termo municipal (separadas en función da idade de uso dos diversos aparatos de xogo), co seu perímetro balado e co chan adaptado para maior seguridade dos nenos, rodeada ademais por zonas verdes.
100% público e libre de edificacións
O Goberno municipal traballa deste xeito para recuperar a personalidade dun espazo, que será cen por cen público, e cen por cen libre de edificacións, e que foi deseñado para que poida ser aproveitado para o seu uso cultural, deportivo, festivo e social. Ademais a praza dos Campos de San Ciprián disporá de elementos tales como ramplas, rebaixados e accesos amplos, que permitirán salvar os obstáculos arquitectónicos cos que habitualmente se teñen atopado persoas con mobilidade reducida ou discapacitados.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
