Nota de prensa
O presidente do PPdeG asegura que en dez meses se conseguiu superar o ambicioso obxectivo que se marcara a Xunta para todo o ano: conseguir que oito millóns de persoas coñeceran Galicia
Feijóo di que a fusión das caixas non é un fin senón un medio para manter a Galicia no sistema financeiro español e para apoiar aos emprendedores galegos
• Destaca que en plena crise o Goberno galego conseguiu cristalizar o maior plan industrial da historia da Comunidade co concurso eólico
• Celebra que se conseguise cambiar a tendencia histórica de Galicia pola que sempre os galegos se acababan despedindo do seu patrimonio
• Asegura que a Xunta seguirá traballando con responsabilidade en cada provincia e concello para que a Comunidade sexa unha terra de oportunidades para todos os galegos, vivan onde vivan
Viveiro, 27 de novembro de 2010.- O presidente do Partido Popular de Galicia, Alberto Núñez Feijóo, destacou hoxe en Viveiro o éxito acadado polos populares no Goberno galego con respecto ao sector eólico, ao Xacobeo e á fusión das caixas e amosouse convencido de que tamén lograrán os retos marcados en cada un dos 315 concellos.
Así, o líder do PPdeG aproveitou o acto de presentación dos candidatos populares ás alcaldías de Alfoz, Burela, Cervo, Ourol, O Valadouro, Viveiro e Xove para subliñar que Galicia xa demostrou que é capaz de acadar todo aquelo que se propón, por moi duro que sexa o momento que se atravesa.
Nesta liña, fixo fincapé en que en plena crise o Goberno galego conseguiu cristalizar o maior plan industrial da historia da Comunidade co concurso eólico, logrando que as grandes empresas españolas quixeran investir en Galicia por ser un territorio solvente e fiable. Ademais, conseguiuse que todo investimento, emprego e recadación quedase na Comunidade e que ningunha empresa puidese eludir as obrigas adquiridas con Galicia coa súa participación no concurso. A resolución da adxudicación da potencia eólica vai implicar, segundo destacou Feijóo, 6.000 millóns de euros en investimentos, a creación de 13.000 postos de traballo, e a posta a disposición dos concellos de Galicia de máis de 1.000 millóns de euros.
Do mesmo xeito, Feijóo tamén salientou que o Goberno galego acadou o mellor ano turístico da historia de Galicia coa celebración dun Xacobeo para a historia. Con respecto a isto, o líder do PPdeG asegurou que en dez meses se conseguiu superar o ambicioso obxectivo que se marcara a Xunta para todo o ano: conseguir que oito millóns de persoas se acercasen ata Galicia. Segundo o dirixente popular, trátase, indubidablemente, un éxito colectivo de todos os galegos.
Así mesmo, Feijóo referiuse ao tema da fusión das caixas galegas, afirmando que en plena crise se conseguiu que o vindeiro luns Galicia vaia selar a maior operación económica da súa historia coa unión de ambas. Nesta liña, o líder do PPdeG celebrou que se conseguise cambiar a tendencia histórica de Galicia pola que sempre os galegos se acababan despedindo do seu patrimonio.
Para o líder do PPdeG, a fusión das caixas non é un fin senón un medio para manter a Galicia no sistema financeiro español e para apoiar aos emprendedores galegos. Nesta liña, fixo fincapé na importancia do apoio financeiro a Galicia, aos seus emprendendores, aos seus sectores produtivos e ás prestacións sociais dunha terra que non vai renunciar a ser unha Comunidade do Benestar.
MÁIS RETOS PARA GALICIA
Feijóo indicou que esos tres logros –Xacobeo, sector eólico e caixas- conseguíronse mediante decisións responsables, que teñen presente a situación que se atravesa e que son conscientes de que para incrementar os servizos hai que asegurar previamente os que xa hai.
Feijóo asegurou que así tamén se conseguirán os demáis retos que o Goberno galego plantexa para a Comunidade, entre os que están o de facer dela un lugar competitivo, cun Plan do Litoral que protexe a costa; o de corrixir o déficit de infraestruturas que afectan especialmente a Lugo e Ourense, para o que desenvolverá o Plan Move que sitúe ao 90% da poboación a 10 minutos dunha vía de altas prestacións; e o reto de incorporar aos galegos ás novas comunicacións, cun Plan de Banda Larga, que ofrece Internet de calidade en todos os recunchos da Comunidade.
Así mesmo, o presidente do PPdeG fixo fincapé en que o Goberno galego ten o obxetivo de facer unha educación pública máis completa e competitiva; de completar o mapa sanitario, cos tres novos hospitais públicos en Lugo, Vigo e Pontevedra e 22 novos centros de saúde públicos; e de seguir contribuíndo ao Benestar da sociedade galega, incrementando en case un 50% as prazas públicas de residencia e mellorando a cobertura social dos galegos que o necesiten.
Da mesma maneira, Feijóo indicou que o Goberno galego seguirá polo camiño da planificación, do rigor, da austeridade, da eficiencia e da unidade, e seguirá facendo de Galicia unha Comunidade que cumpre coa estabilidade orzamentaria para que, cando Europa advirta a España da súa débeda descontrolada, saiba tamén que hai excepcións como Galicia.
UNHA POLÍTICA RESPONSABLE
Ademais, asegurou que o Goberno galego seguirá pagando o que debe e gastando nos cidadáns todo o que poida pero non máis do que dispón, como fan outros Executivos. Para Feijóo, política responsable é apostar polas novas xeracións e non poñer en dúbida, como fai o Goberno de Zapatero, as pensións para o futuro; é buscar máis coñecemento e recursos nas escolas e non recortar as posibilidades lectivas por incrementar a ideoloxía. Nesta liña, non considera responsable gobernar sen mirarse no reflexo da sociedade e si mirándose ao espello de Zapatero.
AS ELECCIÓNS MUNICIPAIS: DECISIVAS
No que atinxe ás eleccións municipais do vindeiro ano, Feijóo destacou que serán decisivas para os concellos, que precisan da maior lucidez nun momento de tanta posibilidade; para a provincia de Lugo, porque hai que continuar integrándoa nun mapa de igualdade de oportunidades; para Galicia, para que ningún ego local, en prexuízo dos seus veciños, poña freo ao desenvolvemento do proxecto de país que todos comparten; e para España, para mostrar que hai unha alternativa de rigor e xestión ante a asociación directa ou indirecta do PSOE co nacionalismo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
