Nota de prensa:
O Grupo Popular defenderá unha emenda á iniciativa do PSOE sobre os novos usos que se lle pretende dar ao espazo comprendido entre o porto deportivo e a ponte da Misericordia
BALSEIRO PROPÓN QUE O DEPARTAMENTO ESTATAL DE COSTAS INTEGRE NO PROXECTO DE REXENERACIÓN DA MARXE DEREITA DO ANTIGO PORTO DE VIVEIRO A CREACIÓN DUN NOVO APARCAMENTO SOTERRADO TAL E COMO DEMANDAN COLECTIVOS SOCIAIS E COMERCIANTES
* Os orzamentos da Xunta inclúen, a proposta do Partido Popular, unha partida específica para que Portos de Galicia financie o estudo polo que se proxecte a creación dun novo parking soterrado
Santiago, 17 de novembro de 2010.- O voceiro do Mar do Grupo Parlametnario Popular, Jose Manuel Balseiro Orol, propón que a Dirección Xeral de Sostibilidade da Costa e do Mar asuma dentro do proxecto de rexeneración da marxe dereita da ría de Viveiro, entre a ponte da Misericordia e o porto deportivo, a creación dun novo aparcamento soterrado. Deste xeito, darase resposta a unha demanda apuntada por distintos colectivos sociais e polos comerciantes da Cidade do Landro, que reclaman a necesidade dun novo espazo para o estacionamento de vehículos, tanto para uso dos veciños como dos visitantes que se desprazan ata Viveiro para realizar as súas compras.
Jose Manuel Balseiro Orol sinalou que o Goberno galego apoiará este compromiso e de feito os orzamentos da Xunta de Galicia para 2011 incorporan, a proposta do Partido Popular, unha partida específica para que Portos de Galicia financie o estudo do proxecto de creación deste novo parking soterrado. O deputado popular indica que unha vez elaborado o devandito estudo, o departamento estatal de Costas debe asumilo e executalo dentro do seu proxecto integral de rexeneración deses antigos espazos portuarios.
O Grupo Parlamentario Popular defenderá esta proposta a través dunha emenda de substitución á iniciativa que o Grupo Socialista rexistrou para o seu debate no día de mañá na Comisión de Pesca e Marisqueo da Cámara galega. Os socialistas queren que a Xunta declare en desuso estes espazos para poder despois executar alí o proxecto de rexeneración que propuxo Costas. Os populares non están en contra de determinar os novos usos destas instalacións, lembrando eso si que a día de hoxe están vixentes varias concesións –entre elas a dun grande centro comercial- pero piden que Costas inclúa no seu proxecto a creación deste aparcamento soterrado.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
