Nta de prensa
O representante do PP na Fundación TIC asegura que xustificou o seu voto en contra do orzamento de 2011
* González Barcia di que “a acta do Padroado demostra que Besteiro minte”
Lugo, a 14 de novembro de 2010. O voceiro adxunto do GPPP e representante do mesmo no Padroado da Fundación TIC, José María González Barcia, asegurou que xustificou o seu voto en contra dos presupostos e do plan de actuación da Fundación TIC na sesión celebrada o pasado xoves, día 11 de novembro, en contra do que di o presidente da Deputación, o socialista Gómez Besteiro.
Barcia salienta que “a propia acta da Fundación, remitida polo Secretario da Fundación, reflicte que Gómez Besteiro minte cando afirma que non expliquei o meu voto en contra”. “Se Besteiro é capaz de mentir nun asunto tan nimio coma este, xa nos podemos poñer no peor”, apostillou.
O voceiro adxunto dos populares na Deputación engadiu que separar a dirección da Fundación en dúas, a Escola de Imaxe e Son por un lado, e a productora por outro, vai en contra do espíritu orixinal da Fundación TIC e demostra que o PSOE e nomeadamente Besteiro empregan os recursos de todos os cidadáns para o seu beneficio partidista e particular.
ACTA
SESIÓN DO PADROADO DA FUNDACIÓN PARA O DESENVOLVEMENTO DAS TECNOLOXÍAS DA INFORMACIÓN E DA COMUNICACIÓN (TIC), CELEBRADA O DÍA 11 DE NOVEMBRO DO 2010
No Centro de Producción de Programas da Fundación para o Desenvolvemento das Tecnoloxías da Información e da Comunicación (TIC), sito na Rúa do Arco s/n, da cidade de Lugo, sendo as once horas do día once de novembro do dous mil dez, reúnese o Padroado da Fundación, baixo a Presidencia de D. José Ramón Gómez Besteiro e a asistencia dos Patronos Dª Regina Polín Rodríguez, D. Juan José Díaz Valiño, D. José González Barcia e D. José Manuel Besteiro Cabanas, ao obxecto de celebrar sesión, previa convocatoria e notificación da mesma aos seus membros, excusando a súa asistencia os Patronos D. Antonio Veiga Outeiro e D. Jorge Coira Nieto.
Asiste como Secretario non Patrono, D. Francisco Javier Giménez Miralles.
Asisten, así mesmo, como Interventora non Patrono, D. Rosa Abelleira Fernández e o Director do CPR, non Patrono, D. José Antonio Corredoira Teijeiro, e a Directora do CPP, non Patrona, Dª Margarita Soilán Carbia.
De seguido, polo Secretario, D. Francisco Javier Giménez Miralles, procédese á lectura da Orde do Día que é do seguinte teor literal:
ORDE DO DÍA
1º.- Aprobación do plan de actuación, previsión das partidas de ingresos e gastos e memoria explicativa correspondente ao período de 2011.
2º. – Lectura e aprobación da acta da sesión.
1.- APROBACIÓN DO PLAN DE ACTUACIÓN, PREVISIÓN DAS PARTIDAS DE INGRESOS E GASTOS E MEMORIA EXPLICATIVA CORRESPONDENTE AO PERIODO DE 2011.
De seguido, dáse conta do Plan de Actuación, previsión das partidas de ingresos e gastos e Memoria explicativa correspondente ao exercicio 2011, elaborado con suxeición ás normas de adaptación do Plan Xeral de Contabilidade ás Entidades sen fins lucrativos e ás normas de información orzamentaria, cuxo estado de gastos e ingresos ascende á contía de 1.570.955 €, e cuxos capítulos importan as seguintes contías:
ESTADO DE GASTOS CAPÍTULOS
CAP. I.- GASTOS DE PERSOAL
862.055,00 €
CAP. II.- GASTOS EN BENS CORRENTES E SERVIZOS
579.600,00 €
CAP. III.- GASTOS FINANCIEIROS 7.300,00 €
CAP. IV.- TRANSFERENCIAS CORRENTES 50.000,00 €
CAP. VI.- INVERSIONS REAIS 72.000,00 €
CAP. IX.- PASIVOS FINANCIEIROS —————-
TOTAL ORZAMENTO DE GASTOS
1.570.955,00 €
ESTADO DE INGRESOS CAPÍTULOS
CAP. III.- TAXAS E OUTROS INGRESOS
3.500,00 €
CAP. IV.- TRANSFERENCIAS CORRENTES 1.555.455,00 €
CAP. V.- INGRESOS PATRIMONIAIS 12.000,00 €
CAP. IX.- PASIVOS FINANCIEIROS —————–
TOTAL ORZAMENTO DE INGRESOS
1.570.955,00 €
Aberta deliberación, polo Patrono D. José González Barcia, comunícase o voto en contra, con fundamento, en síntese, nas seguintes consideracións:
o Que non se lle facilitou coa debida antelación a documentación interesada, á que considera imprescindible dado o seu carácter complementario do Plan de actuación, considerando que en dito Plan deberían estar reflectidas todas e cada unha das actividades.
o Que para o funcionamento da Fundación non é necesaria a bicefalia que existe na mesma.
o Que o montante total de gastos de persoal estímase desmesurado.
o Que o Plan de actuación debería figurar cuantificado.
Pola Presidencia maniféstase, en síntese, o seguinte:
o Que o esforzo na área de persoal realizouse no pasado ano, manténdose, consecuentemente, nos mesmos termos no presuposto obxecto de deliberación.
o Que non pode falarse de bicefalia xa que existe un só Presidente, encargándose o goberno e a administración da Fundación ao Padroado.
o Que calquera Patrono ten dereito a que se lle facilite a documentación que solicite.
o Que o presuposto que se somete a aprobación é o mesmo que o do ano pasado.
O Padroado, co voto a favor de todos os Patronos asistentes, que representan o quórum de votación da maioría absoluta dos seus membros, e co voto en contra do Patrono D. José González Barcia, acordou prestar aprobación ao Plan de Actuación, Previsión das partidas de ingresos e gastos e Memoria explicativa correspondente ao período 2011.
2º. – Lectura e aprobación da acta da sesión.
Ao non haber máis asuntos que tratar, suspendese por uns momentos a sesión, procedendo o Sr. Secretario a redactar a Acta de mesma, que é lida en presenza do Padroado da Fundación TIC, aprobándose por unanimidade e sendo subscrita polo Sr. Secretario e polo Sr. Presidente.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
