NOTA DE PRENSA
O Orzamento 2011 incrementa o apoio e a cooperación cos Concellos a diferenza doutras administracións
– O Presidente e o Vicepresidente Primeiro presentaron o Presuposto que ascende a máis de 92 M€, e que está caracterizado por “un adelgazamento querido e buscado grazas ó cumprimento das débedas históricas como as transferencias de hospitais”
– Gómez Besteiro anuncia que no 1º trimestre do ano a Deputación voltará a presentarse para conseguir novos proxectos europeos, co obxectivo de acadar o mesmo éxito que na convocatoria anterior na que se obtiveron máis de 20 M€
– No tocante ás Áreas de Cultura e Deporte, Bao anuncia a creación da Fundación Uxío Novoneyra no Courel e a posta en marcha dun programa contra a obesidade infantil
O Presidente da Deputación, José Ramón Gómez Besteiro, e o Vicepresidente Primeiro, Antón Bao, presentaron este xoves o Orzamento de 2011 que será apobrado no Pleno do vindeiro martes, un mes antes da data tradicional debido á situación económica dos Concellos, e que ascende, nivelado en gastos e ingresos, a 92.112.201 euros. O máximo mandatario provincial subliñou que, debido á situación económica dos municipios, o organismo provincial manterá o máximo nivel de prestación de servizos ós Concellos e non recortará esta partida, senón que a aumenta.
“A diferenza da Xunta, nós non reducimos nin un só euro en cooperación. Sabemos a que nos queremos adicar. É máis, algúns Concellos que ata o de agora lles pagabamos a débeda do canon poderán acollerse ó Plan de Pequenas Infraestruturas; iniciativa na que en anos anteriores estaban exentos porque xa recibían cartos pola produción hidroeléctrica”. Neste senso, o Presidente puntualizou que “é o Orzamento do cumprimento, xa que as débedas históricas non lastran unha enorme porcentaxe dos nosos presupostos”. Precisamente, o pago do canon suporá un aforro de 3,7 millóns de euros con respecto a este ano.
O incremento da colaboración cos municipios tamén se traslada ás Áreas de Cultura, Deporte, Benestar Social e Turismo. O Vicepresidente Primeiro subliñou que “imos manter o nivel de compromiso e acentuar a cooperación cos Concellos e o tecido asociativo. Non eliminamos nada, con menos orzamento imos seguir colaborando con todo fronte ó recorte brutal da Xunta”.
Ademais da cooperación e de ser “o Orzamento do cumprimento”, será o primeiro que acada a estabilidade presupostaria na súa aprobación. En 2008 a de Lugo foi a 1ª Deputación galega que aprobou un Plan Económico-Financeiro para ter estabilidade en 2011. “É unha satisfacción que, ademais de facer obras e contratar un Plan Extraordinario de Obra Pública, que estará practicamente licitado a 31 de decembro, podamos dicir que por riba cumprimos a estabilidade”, apuntou Besteiro.
Adelgazamento buscado
Gómez Besteiro destacou que o cumprimento das débedas históricas permite o adelgazamento do Presuposto da propia Deputación máis que nos seus entes autónomos. Adelgaza 32 millóns de euros, xa que só a transferencia dos hospitais provinciais ó SERGAS supón unha reducción de 20 millóns de euros. “Foi un adelgazamento querido e ademais buscado pola Deputación. Era para nós unha esixencia política porque era un compromiso de goberno”.
No caso do Instituto Lucense de Desenvolvemento Económico (INLUDES), a redución é de 14 a 10,5, porque as anualidades para os programas europeos de administración electrónica e creación de emprego están a pleno rendemento, polo que a anualidade que resta para 2011 é moito menor. Neste senso, Gómez Besteiro anunciou que no primeiro trimestre do ano a Deputación voltará a presentarse para conseguir novos proxectos europeos, “e agardamos ter o mesmo éxito que na convocatoria anterior na que obtivemos máis de 20 millóns de euros. Nós imos traballar para elo”.
No caso de SUPLUSA, o Presuposto rondará os 7 millóns, porque este ano xa ten a dotación económica, 12 millóns de euros, para o innovador programa de residencias e centros de día para a terceira idade que o organismo provincial construirá nunha decena de municipios.
Aforro e reducción de gastos
Para o vindeiro ano, o equipo de goberno realizará unha importante redución en materia de gastos. Neste senso, o capítulo de “Gastos en bens correntes e servizos” diminúe en 3.174.353,41 €, o que representa un 18,44% respecto do ano anterior, o que supón un gran esforzo e control do gasto en todas as áreas.
Na área de Órganos de Goberno, diminúen todas as partidas, debido fundamentalmente á redución do 5% nas retribucións, incluídas as de políticos coma soldos que por terceiro ano consecutivo se manteñen conxelados. No apartado de gastos de persoal a variación é moi significativa: baixa en 10.100.499,39 €, un 33,08% respecto ó ano anterior. A principal razón é a transferencia dos hospitais co seu persoal correspondente. Ademais diminúe porque se aplica a denominada “carreira administrativa horizontal” e os chamados “postos de entrada”, cun nivel retributivo inicial máis baixo pero articulando itinerarios de progresión que permitan aos empregados acceder a niveis superiores sen cambiar de posto de traballo e en función da súa formación, avaliación e rendemento, en definitiva, do seu esforzo profesional.
En 2011 a Deputación endebedarase menos. “En 2010 precisáronse 25 millóns de euros para executar un Plan Extraordinario de Obra Pública. Este ano imos a 5 millóns de euros menos do nivel máximo do 75% que prevé o borrador da Lei de Presupostos do Estado. E, repito, cumprimos a estabilidade orzamentaria. Ademais, por primeiro ano, endebebámonos menos do que imos amortizar, xa que as débedas históricas está cumpridas”.
Cultura e Deporte
Antón Bao, na súa intervención, expresou que no refernte á Área de Cultura e Deportes, “os orzamentos para 2011 vannos permitir, sen dúbida, manter o noso nivel de compromiso que tivemos durante toda a lexislatura e apoiar con todas as nosas posibilidades aos concellos lucenses e a todo o tecido asociativo, deportivo e cultural”. Bao afondou en que “se logrou superar a importantísima redución orzamentaria e repartila de xeito que non fose en detrimento de ninguén nin se eliminase absolutamente nada”. “Pese a contar con menos orzamento acentuaremos colaboración cos concellos tendo en conta as serias dificultades que están atravesando”.
Por outra parte, Antón Bao afirmou que “consideramos a cultura e o deporte un elemento básico de desenvolvemento das persoas, de cohesión social, de benestar e tamén un importante sector económico, polo que cremos que a corda da crise non pode romper por aquí”. E, neste senso, Bao lembrou que “ó contrario que fixo a Xunta de Galicia eliminando axudas ó deporte en 2010, nós continuamos e continuaremos apoiando aos clubs, federacións e deportistas a través de diferentes liñas de axudas”. Para o fomento do deporte, Bao informou de que a Deputación destinará 4,7 millóns de euros e outros 700.000 euros para as instalacións propias da Deputación, sumando un total de 5,4 millóns de euros.
No eido da cultura, Antón Bao anunciou que a Deputación vai destinar un total de 7,2 millóns de euros, dos que 3,5 millóns van destinados á promoción cultural, e 2,7 millóns para manter en funcionamento a Rede Museística Provincial. Bao destacou que “non se rebaixou o apoio aos conservatorios dos Concellos de Monforte, Viveiro e Vilalba, que deberían ser competencia da Xunta de Galicia, nin se rebaixou o apoio á UNED desde a Área de Cultura da Deputación”.
Ademais, Antón Bao indicou que non só se manteñen todos os proxectos postos en marcha no que vai de lexislatura, senón que se van crear dous novos, un no eido cultural e outro no deportivo. Neste senso, Bao anunciou que o Orzamento contempla unha partida para creación da Fundación Uxío Novoneyra no Courel, un proxecto que “permitirá dinamizar non só culturalmente unha comarca de montaña como o Courel, senón que tamén terá repercusións positivas no plano socioeconómico e turístico”. O novo proxecto que se levará a cabo no plano deportivo e da saúde é o PECOIDEL, Plan Estratéxico Contra a Obesidade Infantil da Deputación de Lugo, que pretende dispoñer as medidas necesarias encamiñadas a promover nas familias lucenses a adquisición dos coñecementos que lles permitan adoptar hábitos e mantemento dun estilo de vida saúdable.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
