Nota de prensa
Besteiro salienta que o medio rural perdeu 136 millóns de euros debido a “falsa austeridade” da Xunta
– É o orzamento da Unión Europea que lle correspondía a Galicia para melloras no campo durante 2011 e que “como o Executivo galego se negou a investir 23 millóns de euros, agora ós nosos gandeiros e agricultores teñen estas axudas bloqueadas”
– A maiores, a Xunta recortou nun 21% o presuposto da Consellería de Medio Rural supoñendo unha reducción de 134 millóns de euros en políticas agrogandeiras
– O Presidente reivindicou políticas supramunicipais no rural, e adiantou que a vindeira semana SUPLUSA aprobará os seus Orzamentos nos que 12 millóns serán para a construción de residencias e centros de día que combatan o despoboamento
O Presidente da Deputación, José Ramón Gómez Besteiro, clausurou este sábado o IV Congreso de Unións Agrarias de Chantada do que resultou a nova executiva do sindicato agrario no sur da provincia para os vindeiros catro anos. Gómez Besteiro aproveitou o encontro para trasladar o apoio do organismo provincial ante os novos retos na defensa do rural.
O titular do organismo provincial lembrou que co cambio de Goberno, a Deputación reorientou as súas políticas de actuación dando máxima prioridade o “Pacto polo Campo”, un acordo que o Presidente reivindicou esta mesma semana no Parlamento de Galicia, para o que pediu o apoio de todos os grupos políticos, e que mantén a necesidade de políticas supramunicipais para impulsar o sector agrogandeiro, frear o despoboamento demográfico, crear emprego, e cooperar cos Concellos.
Neste senso, lembrou que nos Orzamentos da Deputación para 2011 increméntase a partida para a cooperación cos Concellos, e achéganse 12 millóns de euros para a construción de 10 residencias e centros de día. Precisamente, adiantou o Presidente, a vindeira semana SUPLUSA aprobará os seus Presupostos onde haberá unha partida para a estas infraestructuras coas que o organismo provincial busca facer fronte á perda de poboación no rural. Da mesma forma, o vindeiro ano, a Deputación terá listo o primeiro centro de recría público en España nas instalacións da Granxa Gayoso Castro que aforrará miles de custes ós gandeiros; e rematará de executar Lug02, o programa medioambiental que está a xerar riqueza no rural; o Plan Extraordinario de Obra Pública co que se están a mellorar as comunicacións e se manteñen postos de emprego; ou o Innova-TE, a iniciativa coa que se aforran centos de desprazamentos ó poder realizar dende a casa 120 trámites coa administración.
Gómez Besteiro destacou que “malia que non temos competencias directas no medio rural ó ser unha cuestión que lle atinxe ó Goberno galego, o campo ten que estar presente na axenda diaria de todas as administracións xa que o noso futuro pasa polas súas mans. Pero fronte a isto, o medio rural perdeu 136 millóns de euros debido a falsa austeridade da Xunta”.
Trátanse dos fondos europeos do Programa de Desenvolvemento Rural (PDR) que se achegan para melloras produtivas, infraestruturas, e servizos que melloren a calidade de vida no campo e impidan o despoboamento. O Presidente denunciou que “como o Executivo galego se negou a investir 23 millóns de euros que debía aportar con fondos propios, agora os nosos gandeiros e agricultores teñen bloqueadas unhas axudas para 2011 valoradas nos 136 millóns de euros”; unha crítica ratificada polos sindicatos agrarios.
Recorte do 21%
O Presidente salientou ademais que “o Goberno galego vén de recortar nun 21% o presuposto da Consellería de Medio Rural para o vindeiro ano, supoñendo unha reducción de máis de 134 millóns que afectará sobre todo as políticas para fixar a poboación e achegar infraestruturas ó rural; previr incendios; e pagar ós danos da fauna salvaxe”. Ó mesmo tempo, lembrou que en 2010 a Xunta recortou xa as políticas contraincendios en máis de 8,7 millóns, así como as subvencións para rehabilitar vivendas no rural nun 70%. Ante esta situación, o Presidente reiterou a necesidade de acadar o “Pacto polo Campo”, e subliñou que “é momento de reiventarse e investir máis ca nunca para facer fronte á crise”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
