Nota de prensa
Novas Xeracións mobiliza aos máis novos na loita contra a violencia doméstica
* A agrupación política pon en marcha a Mesa contra a Violencia Doméstica e organizará foros, debates e conferencias para concienciar á sociedade
* O presidente provincial fai un chamamento ás demais organizacións político – xuvenís para traballar xuntos contra esta lacra social
Lugo, 25 de novembro de 2010.- Novas Xeracións da provincia de Lugo involúcrase na loita contra a violencia doméstica coa mobilización e implicación dos máis novos en accións que conciencien sobre esta problemática. Para elo, a agrupación político xuvenil pon en marcha a Mesa contra a Violencia Doméstica, a través da cal NNXX achegará o seu grao de area na loita pola erradicación do maltrato físico e psíquico no ámbito familiar.
Esta nova medida, contra unha lacra social que segue a cobrar numerosas vítimas ao longo do ano, foi presentada esta mañá polo presidente provincial de Novas Xeracións, Daniel Vega, na sede que o Partido Popular de Lugo ten na rúa San Marcos. Durante a súa intervención, Vega explicou a loita que se emprenderá dende NNXX para que “a xuventude moza se dea conta da gran problemática social que se vive en moitos fogares e se implique contra a súa erradicación”. Así, segundo precisou o presidente provincial, dende Novas Xeracións “queremos concienciar á sociedade do maltrato doméstico con independencia do sexo e tamén dos abusos a menores e maiores que se viven en moitas familias”.
Novas Xeracións de Lugo organizará foros de participación, debates e conferencias que permitan sensibilizar á sociedade sobre unha problemática que afecta a numerosas vítimas ao longo do ano. Neste sentido, Daniel Vega asegurou que dende a agrupación político – xuvenil vinculada ao Partido Popular “non queremos facer simple demagoxia e saír nos medios, senón que queremos traballar para que na realidade se palpen medidas produtivas contra a violencia doméstica”.
Para incrementar a efectividade destas accións de repulsa contra a violencia doméstica que Novas Xeracións organizará durante todo o ano, Daniel Vega fai un chamamento ás demais organizacións xuvenís vinculadas a outras forzas políticas para “dialogar, debater e en definitiva traballar xuntos contra esta lacra social”.
A través deste proxecto, Novas Xeracións fomentará a implicación dos máis novos en accións que conciencien sobre a violencia doméstica, ao tempo que promoverá a reflexión e o coñecemento ante tal fenómeno.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
