Nota de prensa
Na 3ª xornada da LNB da Conferencia NorLeste que se disputou no Campo da Cabana de Foz, os chicharros lañados deixaron un salgado arume e voaron con vento fresco ata Portonovo.
Os incombustibles Bateas, logo de asistir pola mañá na Coruña o comezo da liga regular do Noroeste, na que se impuxo un dos seus palanadores, Xan Rodiño, apareceron tamén na Mariña para loitar no II Aberto do Chicharro Lañado. Nin a fatiga da viaxe, nin a parexa formada por Reyes e Guille (de “Os Outros”) foron quen a frealos sendo nesta ocasión o premio para Xosé Rodiño que non deu trégola e impuxose justamente. Os palanadores de Os Outros, viñan de pasar unha complicada rolda fronte a Markytos e Hugo, e se cadra foi o esforzo realizado o que lle fixo froxear mais do convinte na final. A proximidade dun triunfo que viron tan preto atenazounos e os seus golpexos careceron da forza e orientación acostumada e deixaron que Xosé lles limpara os chicharros de diante dos fuciños. Para o pequecho dos Rodiño foi un paso mais, deixou na cuneta a Andres R. e Daniel nun desempate, fixo o propio co seu irmán Xan e pasou por riba de Marcos para plantarse na final que foi quen de gañar.
Unha xornada mais da liga de billarda que pon de manifesto o gran nivel e a igualdade dos palanadores, xa non hai craros dominadores e faise normal recurrir as carreiras de desempate para pasar de rolda.
A clasificación individual da un pequeno xiro pero sin grandes variacións. Hugo ponse primeiro adiantando a Daniel por un so punto, gañan algúns postos Reyes, Markytos e os irmáns Rodiño e baixan Moisés e Borxa que non participaron, o resto case nos se move.
Por equipos siguen dominando os Billardeiros Musicais ainda que reducen a distancia con Os Outros e os Bateas adiantan un posto e xa acosan os Remourelle Bulls que siguen de terceiros.
En varados sube a dez o número de palanadores que puntúan. Oito se conseguiron nesta xornada batendo o record da primeira na que se fixeron sete. Comanda a clasificación Daniel con 4 varados, sigue Guille con 3 e logo Eric, Ginés e Jose con 2. Con 1 quedan outros cinco palanadores entre os que se atopa Reyes, a primeira muller que consique un varado esta tempada.
Xuntámonos un total de 31 palanadores, cifra algo mais baixa do que ocurre habitualmente e tivemos a sorte de cara xa que nos repectou a chuvia e poidemos xogar fora sin ter que facer uso do pavillón do C.E.I.P. nº 1, que se nos facía pequeno dabondo para a práctica da billarda.
Con sorpresa e agrado asistimos logo de finalizado o xogo, a un amago da estrea do himno oficial do equipo “Os Bateas” os que aplaudimos a iniciativa ainda que lles pregamos encarecidamente que ensaien un pouco mais antes do segundo intento. Animo, que gañas si que lle poñen e que cunda o exemplo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
