Nota de prensa
Aboi critica o desmantelamento do ensino secundario na Mariña
Galiza Nova recolleu na mariña 1500 sinaturas en defensa do noitebús.
A Secretaria Xeral de Galiza Nova, Iria Aboi, mantivo o pasado sábado unha xuntanza coa Dirección Comarcal desta organización na Comarca da Mariña onde analizaron as liñas de traballo da mesma, facendo especial fincapé na loita que o colectivo está a levar adiante porque na Mariña continúe a prestarse o servizo de noitebús. Segundo Aboi “A Mariña é unha das comarcas galegas onde a supresión deste servizo ten un maior impacto no conxunto de Galiza, de xeito moi particular en todas aquelas Concellos da mesma da área interior, como así o demostran o número de usuarios do servizo ou mesmamente o número de persoas que segue a utilizar outros transportes públicos, como o FEVE, para os seus desprazamentos nocturnos. Non nos vale que en nome de non se sabe que austeridade se suprima o noitebús, pero que con diñeiro público se financien outro tipo de actividades. Polo que se ve Feijoo prefire o papamobil que o noitebús, ou o que é o mesmo pouco lle preocupa ao presidente dos galegos a nosa mocidade”.
Na mesma liña a Secretaria Xeral de Galiza Nova afirmou “que a realidade é teimuda e por moito que os representantes do PP se empeñen en negar que non existe demanda por parte da mocidade para este servizo, a resposta que está ter entre os mozos e mozas da Mariña esta reivindicación pódese ver ben no importante número de mariñaos que asinaron a prol do mantemento do mesmo que en menos de dúas semanas se achegan xa ás 1500 sinaturas”. “Non é casual” lembrou Aboi ” que a meirande parte das sinaturas se corresponden con mozos e mozas de ensino secundario se ben a participación doutras fraccións de idade no apoio ao noitebús tamén é importante”. Así é todo desde a organización nacionalista agardase que na Mariña o numero de sinaturas a prol deste servizo se sitúe arredor das 3000.
A Secretaria Xeral de Galiza Nova e a Dirección Comarcal da asociación xuvenil na Mariña tamén analizaron o ataque do que está a ser vítima o ensino secundario na Comarca do que é un bo exemplo a supresión de ciclos formativos na zona e a eliminación do bacharelato nocturno presencial na case totalidade dos centros da zona agás en Viveiro. Aboi criticou que “o PP está empeñado na concentración dos servizos educativos nas cidades, volvendo a dividir os galegos entre cidadáns de primeira ou de segunda en función do seu lugar de residencia. A supresión de ciclos e do bacharelato nocturno vai expulsar do sistema educativo a moitos mozos posto que alonxar os servizos do seu lugar de residencia vailles impedir continuar cos seus estudos. Mesmamente esta medida vai afectar non só ao estudantado senón ás propias localidades xa que perden servizos e tamén aos negocios e ao comercio”.Aboi indicou que “Galiza Nova vai continuar a dar esta batalla, e non só para evitar que continúe o desmantelamento do ensino público senón tamén para rescatar os servizos que veñen de perderse”.
Xa por último Galiza Nova analizou o escandaloso dos dados de desemprego xuvenil na Comarca, que a pesar da natureza deomográfica da mesma cunha poboación avellentada, se sitúa por riba do 40% o que está a provocar un recrudecemento do fenómeno migratorio. Neste sentido Aboi indicou ” que é hora de que a Xunta de Galiza deixe de ser un espectador ou unha maquina de destruír emprego e poña enriba da mesa solucións que permitan que a mocidade da mariña poida vivir e traballar na súa terra”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
