Nota de prensa
O Observatorio da Mariña pola Igualdade inaugurará na comarca a exposición “Feminismo galego: Cambios sociais e dereitos das mulleres”.
A inauguración será este xoves 2 de decembro, ás 19 da tarde, no CENIMA en Foz.
O Observatorio da Mariña pola Igualdade desde o seu nacemento, sempre postulou a necesidade de visibilizar o movemento e as correntes de pensamento feministas, como ferramentas indispensables para poder chegar a acadar sociedades máis xustas, democráticas e igualitarias.
O feminismo é un movemento transformador e polo tanto é preciso devolverlle o peso e a importancia que ten e a implicación que o mesmo tivo (e ten) na vida das mulleres e os homes nas sociedades nas que se crea e asenta.
A exposición Feminismo galego: Cambios sociais e dereitos das mulleres foi creada pola Fundación Galiza Sempre coa colaboración do Ministerio de Educación e a Deputación da Coruña.
Esta exposición itinerante recolle, nun formato atractivo e accesible para públicos amplos, diversos materiais que dan testemuño dos obxectivos e reivindicacións do feminismo galego. O contido temático da mesma vai desde a importancia da II República na proclamación do sufraxio universal ás primeiras organizacións de mulleres no franquismo, o movemento feminista e a cuestión do divorcio, a violencia de xénero, a sexualidade e a maternidade feminina, a loita pola igualdade, o avance do sufraxismo, etc…
A exposición xa percorreu desde a súa creación moitos pobos e cidades de Galiza chegando por primeira vez á comarca da man do Observatorio da Mariña pola Igualdade en colaboración co Concello de Foz.
A inauguración terá lugar este venres ás 19.00 da tarde no edificio do CENIMA (Paseo da Ribeira s/n, Foz) ó acto inaugural participarán Encarna Otero e Xabier Macías, ámbolos dous integrantes da fundación e creadores da mesma, Rosa Alonso, edil da Concellería de Servizos Sociais, Muller, Xuventude e Deporte do Concello de Foz e Luísa González presidenta da asociación Observatorio da Mariña pola Igualdade.
A exposición estará no CENIMA desde o día 2 de decembro ata o día 2 de xaneiro e poderase visitar en horario de luns a venres de 9 a 15.00 e de 17 a 20.00 e os sábados de 10 a 14 e de 16 a 21.00 horas no edificio que ten o CENIMA en Foz.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
