Nota de prensa
Deputación e Caixa Galicia impulsan un programa formativo para a inserción laboral de inmigrantes e emigrantes lucenses
– Gómez Besteiro e García Iglesias asinan un convenio de colaboración mediante o cal a entidade financeira aporta 90.000 euros ó desenvolvemento desta iniciativa
– O programa complementa as accións da Casa do Emigrante que a Deputación levou a Viveiro e onde só en 2010 se atenderon a 2.500 persoas
– Esta oficina presta tanto información económica, laboral ou social co obxectivo de impulsar os proxectos empresarias dos inmigrantes e emigrantes lucenses
O Presidente da Deputación, José Ramón Gómez Besteiro, e o Director de Acción Social de Caixa Galicia, José Manuel García Iglesias, asinaron este mércores un convenio de colaboración mediante o cal a entidade financeira achega ó organismo provincial un total de 90.000 euros para a posta en marcha dun programa formativo dirixido ós inmigrantes e emigrantes retornados á provincia. Trátase dunha iniciativa coa que a Deputación busca a inserción laboral deste colectivo, e que complementa as accións levadas a cabo dende a Casa do Emigrante de Viveiro.
Gómez Besteiro subliñou que “hai 2 anos establecemos coa Casa do Emigrante unha ponte de unión e diálogo con este colectivo que agora ampliamos. Con este convenio, Caixa Galicia cumpre con Lugo ata o final”. Pola súa banda, García Iglesias salientou que “este acordo enmárcase dentro das liñas estratéxica da Fundación para a mellora dos colectivos máis desprotexidos. Hai que coidar á poboación inmigrante”
Segundo datos do Instituto Nacional de Estatística, Lugo conta cuns 13.600 inmigrantes. Mentres, dende a Secretaría Xeral de Emigración, sitúan a cifra de emigrantes retornados á provincia durante o 2009 nas 270 persoas. Eles serían os beneficiados do programa co que a Deputación lles ofrece a formación necesaria para desenvolver os proxectos emprendedores, dirixidos ó autoemprego e a creación de empresas en Lugo.
Complementario ás accións da Casa do Emigrante
O organismo provincial outorga xa a este colectivo dende a Casa do Emigrante que levou a Viveiro a información precisa para potenciar este tipo de iniciativas. Deste xeito, no que vai de ano, esta oficina atendeu a 2.500 persoas. As principais consultas foron sobre as axudas laborais e de vivenda existentes na Comunidade. Da mesma forma, tamén se tramitaron centos de renovacións de regularización, partidas de nacemento, certificados de rexistro civil, e ata herdanzas de emigrantes ou fillos destes que seguen no país de acollida.
A Casa do Emigrante está a mellorar a comunicación da comunidade lucense co exterior, a impulsar actividades e servizos que promoven o axuste social e a integración en Galicia, así como a captar investimentos na provincia. Deste xeito, ademais de orientar ós inmigrantes e emigrantes lucenses ofrecendo tanto información económica como dos posibles investimentos en Lugo, está a desenvolver programas de acollida, educación reforzada, ou convivencia.
Agora, esta oficina está a deseñar, tendo en conta as profesións con maior futuro na provincia que detectou o Pacto Provincial polo Emprego da Deputación, así como o Primeiro Plan Estratéxico que precisamente elaborou o organismo provincial en colaboración con Caixa Galicia, este programa formativo que se desenvolverá, non só en Viveiro, senón tamén polos distintos Concellos lucenses.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
