Nota de prensa:
CINCOCENTOS RAPACES DOS CENTROS DE ENSINO DE RIBADEO PARTICIPARÁN NA SEXTA EDICIÓN DA CAMPAÑA UN FUTURO POR COMPARTIR EN IGUALDADE QUE ORGANIZA O CONCELLO. INCLÚE CONTACONTOS, OBRADOIROS DE COEDUCACIÓN E UN CONCURSO DE GUIÓNS CINEMATOGRÁFICOS.
Ribadeo, 24 de novembro de 2010. Cincocentos rapaces dos centros de ensino de Ribadeo participarán na sexta edición da campaña Un futuro por compartir en igualdade que organizan a Concellaría da Muller, o CIM e a Oficina Municipal de Información Xuvenil. Haberá contacontos para os nenos de infantil, obradoiros de coeducación para os alumnos de 5º e 6º de primaria e concurso de guións cinematográficos para os rapaces de 1º, 2º, 3º e 4º de ESO e para os dos ciclos formativos.
Na presentación da campaña que tivo lugar esta tarde no salón de plenos do Concello o alcalde, Fernando Suárez, sinalou que “con motivo da celebración o 25 de novembro do día internacional contra a violencia de xénero desde o Concello e coa colaboración dos centros de ensino da localidade levamos xa tempo desenvolvendo diferentes actividades cos nenos e cos adolescentes. Cremos que se trata dun instrumento indispensable para acadar unha situación real e efectiva de igualdade entre homes e mulleres en todos os ámbitos da vida e comezando polo educativo”. O rexedor agarda que “os nenos e as nenas de Ribadeo o día de mañá poidan compartir un futuro en igualdade deixando atrás estes roles que a sociedade e a historia nos deron de homes por un lado e mulleres por outro. Con esta nova educación confiamos en que o futuro sexa máis igualitario entre todos os nenos e nenas que dentro de pouco serán homes de mulleres”.
A responsable do Centro de Información ás Mulleres, Luisa González, explicou que “como ven sendo habitual realizamos actividades en todas as etapas do sistema educativo obligatorio. En infantil traballamos cos nenos de 3 e 4 anos con algo máis propicio para a súa idade como é un contacontos, que tratará a temática da igualdade. En primaria as actividades están dirixidas aos alumnos de 5º e 6º e consistirán nuns obradoiros de coeducación baixo o título Detectives no fogar, os pequenos e as pequenas poderán indagar o que é a corresponsabilidade, a asignación de tarefas no fogar ao pai e á nai e o reparto de horas para visibilizar cómo é necesario que exista unha corresponsabilidade e que non todo o traballo recaiga sobre a muller como ven sendo habitual”.
González engadiu que “en secundaria voltamos a facer o concurso de guións cinematográficos que iniciamos o ano pasado. Nesa edición estivo cinxido ao que era a violencia de xénero e neste 2010 quixemos amplialo un pouco máis e por iso se chama Promovendo a igualdade. Está dirixido ao alumnado de 1º, 2º, 3º e 4º da ESO e dos ciclos formativos e entendemos que o cine é unha das mellores ferramentas de aprendizaxe para poder conseguir o obxectivo de ir impregnándoos dos valores igualitarios nun formato que lles pode servir para ir traballando outras asignaturas á hora de facer e elaborar o guión”. Os traballos poderán presentarse ao longo do mes de xaneiro, despois será elexido o gañador e a curta baseada nese guión rodarase en febreiro para presentarse o 8 de marzo coincidindo co día da muller traballadora.
A responsable do CIM subliñou que “desde a Concellaría da Muller de Ribadeo se ven pensando que a mellor forma de prever a violencia de xénero é con educación en igualdade para que os máis pequenos e as máis pequenas vaian medrando con eses valores”.
Ao acto de presentación desta tarde asistiron as orientadoras dos centros de ensino que colaboran na campaña: colexios Gregorio Sanz e Sagrado Corazón, IES Dionisio Gamallo Fierros e Porta da Auga e ciclo de formación profesional Porta da Auga.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
