Nota de prensa
CENTOS DE MARIÑAOS E MARIÑÁS PEDIRON EN COMPOSTELA UN CAMBIO DE RUMBO NA POLÍTICA SANITARIA DA XUNTA DE GALIZA
A Plataforma na Defensa da Sanidade Pública da Mariña esixe a marcha atrás na política de privatización da sanidade pública e melloras na comarca da Mariña
Coa política sanitaria que a Xunta está a desenvolver só gañan uns poucos e o conxunto da poboación perde día a día calidade asistencial
A Mariña, 22 de novembro de 2010. A Plataforma Sanitaria na Defensa da Sanidade Pública da Mariña mostrou a súa satisfacción polo éxito da manifestación convocada por SOS SANIDADE PÚBLICA na mañá de onte en Compostela. A plataforma mariñá agradeceu aos centos de mariñaos e mariñás que onte tomaron as rúas de Compostela coas 40.000 persoas que acudiron a defender a sanidade pública diante das políticas de recortes e privatización do sistema que está a levar adiante o goberno da Xunta. Para a plataforma este e un paso mais na esixencia dun cambio de rumbo ao goberno de Núñez Feijoo que vai camiño de converterse no presidente galego con mais contestación social na historia recente do país.
AGRADECEMENTO AOS CENTOS DE MARIÑAOS E MARIÑÁS QUE SE MOBILIZARON CONSCIENTES DUNHA REIVINDICACIÓN XUSTA E NECESARIA
A plataforma mariñá quixo mostrar a súa satisfacción polo éxito da manifestación e esixiu “co aval dos milleiros de persoas que onte ocuparon as rúa de Compostela”, un cambio de rumbo na política sanitaria do actual goberno galego. Especial mención fixeron á presenza de centos de mariñaos e mariñás que onte estaban presentes en Compostela, neste sentido a portavoz da plataforma mariñá, Rosa López Expósito, “agradeceu a asistencia de todas estas persoas que son conscientes da necesidade e xustiza desta reivindicación para frear o constante deterioro do sistema público sanitario na comarca”. López Expósito interveu onte en Compostela para denunciar para o constante deterioro da asistencia sanitaria primaria e especializada na comarca, “na Mariña nos camiño de perder todo o gañado nos últimos 30 anos e só a sociedade poder frear esta desfeita”.
NON IMOS CONTRA NINGÚN PARTIDO PÓLITICO SO DEFENDEMOS O GAÑADO NAS ÚLTIMAS XERACIÓNS.
A portavoz da plataforma quixo deixar claro que “nesta loita non imos contra ninguén, so defendemos o avanzado nas últimas xeracións que agora non queremos perder”, López insistiu en que cos recortes no investimento en sanidade pública e a súa deriva privatizadora o actual goberno da Xunta, “derrocha o diñeiro público para beneficio duns poucos nunha política que deixará a xeracións futuras débedas sociais e económicas de difícil recuperación”. A portavoz da plataforma mariñá deixou claro que moita xente da Mariña “xa sabe que e mais fácil que te deriven a un centro privado que te atendan no Hospital da Costa en varias especialidades e este deterioro vai a mais”.
A MANIFESTACIÓN DE ONTE EN COMPOSTELA NON E O PUNTO FINAL SENÓN UN PASO MAIS DUNHA LOITA QUE AÍNDA NON REMATOU.
A plataforma mariñá que forma parte de SOS SANIDADE PÚBLICA xunto con outras 15 plataformas en todo o país, partidos políticos e sindicatos dixo “non dar por rematado os seu traballo coa manifestación de onte” e neste sentido “pediu á sociedade mariñá un esforzo para continuar demandando un servizo sanitario público, universal e de calidade” e advertiu que a Xunta aínda non aplicou na comarca o Decreto de Reorganización do Sistemas Periféricos do SERGAS, “no que a Área Sanitaria Norte perderá a súa independencia e capacidade de xestión e o Hospital da Costa deixará de ser o centro hospitalario de referencia”. López Expósito rematou esixindo aos xestores sanitarios na Mariña “mais dedicación ao sistema sanitario público e menos a outras cousas, as cifras sobre listas de espera e desvío de doentes a centros privados falan por si mesmas e hoxe o hospital da Costa e o peor exemplo de cómo se debe xestionar a saúde pública”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
