Nota de prensa
O Inludes só executou en seis meses o catro por cento do investimento real previsto para o 2010
Lugo, a 2 de novembro de 2010.- O Grupo provincial do Partido Popular denunciou hoxe a parálise na que vive o Inludes, xa que a trinta de xuño do presente ano o investimento real foi de só o 4,05 por cento sobre o orzamento previsto, o que equivale a dicir, 384.594’32 euros.
A este dato, extraído da propia liquidación presentada polo bipartito provincial e que os populares non dubidaron en calificar de “nefasto” porque pon de manifesto o “nulo interese do goberno provincial por apoiar o tecido empresarial da provincia e por promover o seu desenvolvemento”, súmanselle outros “igualmente negativos”: no primeiro semestre do ano só se recaudou o 1’86% do que estaba previsto para o 2010 e, en materia de transferencias correntes, dos dous millóns de euros presupuestados, as obrigas recoñecidas ascenden únicamente a 112.065 euros, ou sexa, ó 5’38%.
Para os populares, éste é o “pobre balanzo” que se deriva de colocar ó fronte deste organismo a cargos orgánicos do Partido Socialista, máis preocupados por buscar réditos partidistas, seguindo a consigna dada por José Ramón Gómez Besteiro, que por defender o interese común e traballar, empregando todas as ferramentas e os cartos dos que dispón a Deputación, para vertebrar a provincia e fomentar a súa dinamización económica.