NOTA DE PRENSA
O presidente da Deputación provincial emprega a súa posición institucional non para gobernar a prol da nosa provincia senón como atalaia para propiciar enfrontamentos coa Xunta de Galicia
BALSEIRO ACUSA A BESTEIRO DE DESCOÑECER A SITUACIÓN REAL DA MARIÑA E OS PRINCIPAIS PROXECTOS QUE O GOBERNO GALEGO EXECUTA NA COMARCA
* Durante os catro anos nos que coincidiron os gobernos bipartitos na Xunta e Deputación, os socialistas foron incapaces de abrir os parques de bombeiros, tivo chegar o PP ao Executivo autonómico para desbloquear a situación e adxudicar o parque de Viveiro, actuación tantas veces prometida polo bipartito.
* Besteiro critica que a Xunta estableza un prazo de finalización -2017- para o treito autonómico do corredor, que hoxe xa está en execución, mentres que garda silencio sobre o treito de competencia estatal, que nin ten data de finalización nin aínda, o que é máis grave, de comezo.
A Mariña lucense, 22 de novembro de 2010.- O secretario xeral do Partido Popular de Lugo, Jose Manuel Balseiro Orol, acusou ao presidente da Deputación provincial, Jose Ramón Gómez Besteiro, de aproveitar a súa posición institucional non para gobernar a prol da provincia senón para propiciar enfrontamentos coa Xunta de Galicia. Balseiro cre que as palabras de Besteiro valorando criticamente diversos proxectos que a día de hoxe executa o Goberno galego na Mariña lucense demostran que descoñece a situación real desta comarca e que fala sen ningún tipo de fundamento e sen a mínima autocrítica que esperaríamos tendo en conta os incumprimentos que o partido ao que pertence, o PSOE, protagoniza nesta comarca.
Balseiro referiuse aos parques de bombeiros para lembrarlle que durante aos anos nos que coincidiron os gobernos bipartitos na Xunta e na Deputación, os socialistas foron incapaces de poñelos en marcha. O secretario xeral dos populares lucenses sinala que tivo que chegar o PP á responsabilidade de goberno no Executivo autonómico para desbloquear a situación, impulsar o consorcio e axilizar os trámites necesarios para a futura apertura destas instalacións de emerxencias. Na Mariña máis en concreto, foi o Goberno de Galicia baixo a presidencia de Alberto Núñez Feijoo o que licitou e adxudicou o parque de bombeiros de Viviero, algo que prometeron reiteradamente durante a pasada lexislatura distintos responsables do PSOE, pero que ata que chegou o PP non se veu reflectido no Diario Oficial de Galicia –que é onde vale- e en obras e actuacións concretas que están hoxe en execución.
CORREDOR
O número dous dos populares lucenses tamén falou do corredor da Costa, para considerar incomprensible que Besteiro critique que a Xunta teña establecido un prazo de finalización para os treitos da súa competencia –o 2017- Balseiro lembra que gústelle máis ou menos ao Sr. Besteiro, o certo é que o Goberno de Galicia hoxe está a cumprir o comprometido, executando por primeira vez en todos estes anos obras nun treito da provincia de Lugo, obras no tramo que une as localidades de Celeiro (Viveiro) e San Ciprián (Cervo). O secretario xeral popular sinala que, pola contra, o treito de titularidade estatal (San Ciprián-Barreiros) non é que non dispoña de prazo de finalización é que aínda nin tan sequera ten prazo de inicio, porque ás paupérrimas consignacións orzamentarias nas contas estatais -que nunca executan- hai que engadir a falta de vontade do Executivo socialista central para acelerar esta importantísima vía de comunicación. Esta falta de compromiso coa Mariña que protagonizan os socialistas tamén ten o seu reflexo no bloqueo da autovía do Cantábrico, paralizada en moitos dos treitos ao seu paso por esta comarca. Ante esta situación de claro desequilibro entre o treito autonómico do Corredor que está en execución, e o treito estatal, que nin tan sequera ten definido o seu percorrido –seguen pendentes a resolución das alegacións dos concellos- o que esperábamos escoitar de Besteiro é unha maior autocrítica pois o PSOE non está a dar a talla na Mariña.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
