Nota de prensa
INMERECIDA DERROTA DAS RIBADENSES ANTE O FC MEIGAS (2-3)
Coma en ocasións anteriores, sobroulles ás ribadenses a primeira parte. A falta de concentración nos minutos iniciais permitiulles ás visitantes levar os 3 puntos a Ames. No minuto 1, xa perdían as mariñás (0-1) e aínda que Marta igualou o marcador ao minuto seguinte, aínda non se cumprira o terceiro cando de novo se adiantou o FC Meigas. O xerro de auga fría chegou para as locais no último minuto antes do descanso, cando encaixaron o 1-3.
Na continuación, non parecía o Panificadora-Ribadeo FS o mesmo equipo da primeira metade. A presión sobre os seus rivais pechaba a estas nos 9 metros e só conseguían chegar á portería ribadense en contadas ocasións, coa aparición acertada de Carla. Unha e outra vez, os paus en dúas ocasións, falta de acerto a porta baleira e as boas intervencións da porteira visitante, Andreína, privaron as ribadenses dun resultado máis xusto.
Martínez decidiu utilizar a María como porteira-xogadora a falta de cinco minutos. Foron momentos de pleno dominio local con numerosas ocasións que non frutificaban. Tan só Elvira no minuto 38 conseguiu acurtar distancias e subir ao marcador o 2-3, sen tempo para máis.
Próxima xornada. As mariñás mediranse ao CD Riazor FS o domingo 28 (12.00 horas) no pavillón Sagrada Familia da Coruña.
Ficha técnica
Panificadora del Eo-Ribadeo FS: Vanessa, Marta (1), Sabela, María e Fátima, cinco inicial; tamén xogaron Eva, Elvira (1), Sofía, Arancha, Iria, Yoli e Carla.
FC Meigas: Andreína, Lidia, Xaira (1), Clara (2) e Katy, cinco inicial; tamén xogaron Marta, Sonia e Estefanía.
Árbitros: Andrés Saa Ramos e Luís Menéndez Nistal (anotador), da delegación de Lugo.
Provincial masculina. O Ribadeo FS métese terceiro ao vencer a domicilio por 2-3 ao difícil Taboada. O próximo fin de semana recibirá o pechacancelas, Industrial Recense da Pontenova, no municipal de Ribadeo.
Provincial feminina. O Xoula-Ribadeo FS perdeu por 2-1 na Pastoriza e recibirá o Donapel Monterroso o vindeiro sábado, ás 17.00 horas, na Mariña.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
