Nota de prensa
A Deputación pon en marcha o 1º centro comercial
virtual para as empresas da provincia
– A Comisión Executiva do INLUDES aprobará a iniciativa, dotada con 630.323 euros e totalmente gratuita, que conseguirá que autónomos e PEMES acaden un maior beneficio dos seus negocios
– Gómez Besteiro destaca que “será a tenda das tendas de Lugo, o centro comercial aberto as 24 horas do día e os 354 días do ano”
– Na fase inicial da plataforma, participarán 20 empresas piloto de todos os sectores, que poderán ofrecer ata 10 produtos e servizos cada unha
– Paralelamente, crearase o primeiro Observatorio da Sociedade da Información de Lugo para obter datos fiables da evolución das tecnoloxías na provincia, calibrando o investimento onde sexa máis necesario
O Presidente da Deputación, José Ramón Gómez Besteiro, presentou este martes o novo concurso, que aprobará mañá a Comisión Executiva do INLUDES, dotado con 630.323 euros e destinado a poñer en marcha unha plataforma de comercio electrónico que permitirá ás empresas da provincia a venda dos seus produtos a través de Internet, conseguindo unha maior proxección local, nacional e internacional. Gómez Besteiro subliñou que “queremos pegar un salto no campo das novas tecnoloxías na administración, pero non queremos deixar de perder outras actuacións en relación cos autónomos e coas empresas. Este espazo será o primeiro centro comercial virtual da provincia, onde terán capacidade todas as PEMES luguesas. En definitiva, poñemos a disposición delas, totalmente gratis, un novo canal de venda a través da Rede co fin de aumentar o comercio e a distribución das mesmas. Só poñeremos unha condición: que sexan da provincia. É unha idea novidosa e que vai ser moi ben acollida”.
Esta iniciativa, que se inclúe dentro do programa Innova-TE, co-financiado nun 70% pola Unión Europea, terá un prazo de execución de 6 meses. Na fase inicial da plataforma, participarán a 20 empresas piloto de todos os sectores. Poderán ofrecer ata 10 produtos, polo que o sistema arrancará cunha oferta inicial de 200. Superada esta fase, a plataforma non terá límite, polo que progresivamente continuará aumentando a oferta.
En España hai máis de 9 millóns de internautas que mercan a través da Rede. Un caso recente, é a plataforma on line de Zara. Segundo o Observatorio da Sociedade da Información de Galicia, as empresas da provincia son as que menos presenza teñen en Internet de toda a Comunidade. Tan só un 5,7% vende os seus produtos a través deste sistema. A continuación, estarían Ourense cun 8,5%, Pontevedra cun 8,7% e, finalmente, Coruña cun 11%.
Nembargantes, existen casos moi destacados como “bicicletasguillermo.com”, unha empresa monfortina que factura o 70% das vendas a través deste sistema. O titular provincial destacou que “a plataforma de comercio electrónico será a tenda das tendas de Lugo. Favorece as canles de distribución e a identificación do comercio lucense de cara ó exterior. Será un centro comercial aberto as 24 horas do día e os 354 días do ano”.
Esta iniciativa súmase a outras impulsadas polo organismo provincial para potenciar o comercio da provincia. Neste senso, o máximo mandatario provincial tamén lembrou que a Deputación está a ultimar a posta en marcha da ventá agroalimentaria do programa Lug02. É un centro de encontro entre produtores agroalimentarios das Reservas da Biosfera e consumidores.
Importantes beneficios para as empresas
Tal e como subliñou o Presidente, a iniciativa suporá importantes beneficios para as empresas da provincia e, para que o aforro sexa maior, xestionarase dende o Centro de Procesamento de Datos, que foi instalado recentemente ó abeiro do programa tecnolóxico Innova-TE. Neste senso, a plataforma presenta as seguintes vantaxas:
1. Proveerá dunha plataforma de comercio electrónico totalmente gratis ás PEMES da provincia onde podan anunciarse, vender e distribuir a novos mercados, incrementando os seus beneficios.
2. Permitir a realización de operacións de pago electrónico e facturación electrónica propias desta tendas.
3. Incrementar a autonomía das empresas na xestión dos seus catálogos de produtos.
4. Ofrecer por vez primeira unha imaxe de marca de Produtos de Lugo, independentemente do proveedor que os ofreza.
5. Aforrar tempo e cartos as persoas que mercan no primeiro “centro comercial” on line da provincia de Lugo.
Observatorio da Sociedade da Información
Dentro desta iniciativa e de xeito paralelo, o organismo provincial tamén creará o primeiro Observatorio da Sociedade da Información da provincia de Lugo. Gómez Besteiro explicou que “baixo a premisa de que o que non se mide, non se pode mellorar”, esta iniciativa ofrecerá datos fiables da evolución do uso das novas tecnoloxías na provincia, calibrando os investimentos alí onde realmente se necesiten.
As empresas que queiran ter máis información sobre estas dúas iniciativas poderán chamar ó número de teléfono do Innova-TE: 982 26 00 77 ou a través do enderezo electrónico: ecomercioinnovate@deputacionlugo.org.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
