Nota de prensa
Lugo acolle por 1º vez en Galicia a mostra internacional Leonardo da Vinci y la Música
– O Centro de Artesanía e Deseño celebra o seu 15º aniversario cunha exposición que recolle a relación do artista coa música logo dunha pioneira e profunda investigación sobre os seus manuscritos
– Luthiers de todo o mundo, -un deles do CENTRAD da Deputación-, amosan 20 instrumentos creados a partir dos deseños de da Vinci tales como a lira de prata en forma de cráneo de cabalo, a viola organista, ou o órgano de papel
– Logo de percorrer Italia, Francia, Xapón, ou México, e converterse na mostra máis visitada da Biblioteca Nacional de España, Leonardo da Vinci y la Música estará na Capela de Santa María e na sede do CENTRAD dende o xoves ó 31 de xaneiro
A Vicepresidenta Segunda da Deputación, Lara Méndez, presentou este luns Leonardo da Vinci y la Música, a primeira exposición que recolle a relación do artista coa música logo dun pioneiro e profundo traballo de investigación sobre os seus manuscritos. Lara Méndez subliñou que “a provincia ten o privilexio de acoller por primeira vez en Galicia unha exposición de caracter internacional, que percorreu prestixiosas salas de Italia, Francia, Xapón ou México, e que se converteu ademais na mostra máis visitada da Biblioteca Nacional de España. Con esta mostra, o Centro de Artesanía e Deseño celebra o seu décimo quinto aniversario situando á provincia nun punto referencial no mapa cultural”.
Leonardo da Vinci y la Música basease nos “Códices de Madrid”, tesouros celosamente gardados na Biblioteca Nacional de España dende hai tres séculos. Compóñense de dous manuscritos correspondentes ó período de madurez do artista, -finais do século XV e principios do XVI-, que recollen debuxos, bocetos, notas, e ata unha lista de 116 libros que formaban parte dos fondos da súa biblioteca. Expertos de todo o mundo estudaron por primeira vez este traballo durante anos. O resultado foi unha exposición que amosa a dimensión creativa de Leonardo, a súa relación coa música de maneira científica e lúdica, así como 20 instrumentos realizados de acordo cos seus manuscritos.
6 luthiers de recoñecido prestixio, -un xaponés, un mexicano, e catro españois-, lograron construír a famosa lira de plata en forma de cráneo de cabalo que Leonardo levou á corte do Duque de Milán; a viola organista, un instrumento para música de cámara moi innovador e complexo; ou o órgano de papel. Trátanse de tres instrumentos cos que na actualidade se interpreta o sexteto “l`amore mi fa sollazar” con obras de compositores contemporáneos de da Vinci: Conrad Paumann, Johannes Vincenet, Antoine Busnois, Gulielmus, Isaac, Joanambrosio Dalza ou Josquim Desprez, entre outros.
Composición da mostra e artistas
A Capela de Santa María e a sede do Centro de Artesanía e Deseño da Deputación son os escenarios desta ampla mostra na que se poderá ver a cronoloxía da vida de Leonardo; facsímiles de varios Códices de da Vinci engarzados nun árbol de plata; 800 fotografías dixitalizadas dos Códides Madrid I e II en español e inglés; sesenta banderolas estampadas de tres metros de alto por un de ancho; experimentos musicais interactivos; mesas temáticas sobre a orixe do son, mecanismos do aire, ou as escenografías do artista; así como os instrumentos realizados polos 6 luthiers:
Akio Obuchi, xaponés construtor da viola organista; Joaquín Lois, español, -Tordesillas-, autor do órgano de fuelle continuo, teclado vertical e tubos papel; Abel García, creador da lira de plata en forma de cráneo de cabalo. Vive e traballa en Paracho, México; Luis Angel Payno, español, -Madrid-, construtor da carraca de tres lenguetas, carraca con porta corredoira, carraca tubular, timbal mecánico a tres baquetas, tambor con tornillo de tensión regulable, tampor de tiras de pel afinadas, tambor de tres patas, vasija percutida e tambor de tixeira; Carlos Blanco, español,- Alicante-, autor de variantes do tambor flauta e flauta glissando; e Luciano Pérez, lucense e artesán do Centro de Artesanía e Deseño da Deputación que realizou o tambor flauta, carraca manga, tambor de fricción, flauta glissando, trompa e tambor carraca.
Medio millón de visitantes
Leonardo da Vinci y la Música foi inaugurada en febreiro de 2003 na sala de exposición da Biblioteca Nacional de España en Madrid converténdose na mostra máis visitada deste recoñecido centro. Logo de viaxar ata Pamplona e Santa Cruz de Tenerife, estivo en Génova como mostra estelar do Festival da Ciencia, e no Palacio de Montehermoso en Vitoria. Durante o periódo 2006-2007, permaneceu en México, alternando visitas a Francia, Italia e Xapón. O seu éxito queda constatado no máis de medio millón de visitantes que acadou nas cidades onde estivo exposta. Agora, a Deputación logra traela a Lugo para celebrar o 15º aniversario do Centro de Artesanía e Deseño ofrecendo, por primeira vez en Galicia, a posibilidade de vela.
A entrada é gratuita. O horario de apertura ó público da Capela de Santa María e do CENTRAD é o seguinte:
* de luns a venres 10:30 a 14:00 horas e de 17:00 a 20: 00 horas
* sábados: 17:00 a 20:00 horas
* domingos e festivos: 11:00 a 14:00 horas
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
