Nota de prensa
CONCURSO DE CARTEIS DA SOMBRIZA CONTRA A VIOLENCIA DE XÉNERO
Asociación Cultural A Sombriza
A asociación cultural A Sombriza organizou un concurso en conmemoración do Día internacional contra a violencia de xénero no que convidábamos aos estudantes dos institutos da Mariña a elaborar un cartel que sensibilizara á poboación, de xeito especial a infantil, contra esta lacra.
Nesta ocasión -é a segunda edición do concurso- temos que salientar un notable incremento de participación xa que temos recibido 67 láminas. O xurado está deliberando o seu fallo e pronto faremos público o cartel gañador que, ademais de recibir un DVD Portatil, servirá como imaxe promocional dunha campaña de sensibilización que desenvolveremos nos centros de ensino da comarca.
Xa é posible ver e comentar os carteis gañadores na página de facebook de A Sombriza AC, que tamén admite suxestións e comentarios.