Nota de Prensa
Balseiro instou a Blanco a exercer “dunha vez” de lucense e a defender os intereses da provincia
* O secretario xeral dos populares lucenses cuestionou a “velocidade supersónica” da que presume o titular de Fomento, máxime si se ten presente que neste intre os tramos operativos da Autovía do Cantábrico representan tan só o 37% do trazado completo
* Na súa opinión, a palabra dos socialistas, e particularmente a de José Blanco, non vale nada porque nunca vai avalada por feitos e, por iso, retouno a nomear unha soa obra das moitas que prometeu ó longo da súa dilatada carreira política que se executara segundo o prazo comprometido
* A foto que busca Blanco mañá tenta agachar que o Goberno socialista vai reducir considerablemente o investimento na Autovía do Cantábrico
Lugo, a 8 de outubro de 2010.- O Partido Popular de Lugo amosouse perplexo pola atrevemento do ministro de Fomento de inaugurar mañá dous tramos da A-8, tres anos despois de que, segundo a programación inicial, “a realizada polo goberno de Aznar”, tivera que estar rematada toda a autovía.
O secretario xeral dos populares lucenses, José Manuel Balseiro, reprochoulle a José Blanco os seus incumplimentos coa provincia de Lugo e que presuma de “da rapidez do coiote cando realmente avanza coma unha tartaruga”.
Neste sento, salientou que os 9,5 quilómetros que “previsiblemente” quedarán abertos ó tráfico de xeito inmediato supoñen o 11 por cento dos preto de 86 quilómetros cos que conta a Autovía do Cantábrico o seu paso pola provincia de Lugo, ós que, sumándolle os cinco tramos que están xa neste intre operativos (Baamonde-Vilalba e Ribadeo-Barreiros), representan só o 37 por cento do trazado completo desta estrada. “Cinco anos para construir os 3,5 quilómetros do tramo Castromaior-Touzas e oito para os seis quilómetros que separan Abadín de Castromaior”, engadiu.
Ante “semellante evidencia”, Balseiro cuestionou a “velocidade supersónica da que presume Blanco”, máxime si se ten presente que os 48,7 quilómetros dos tramos pendentes de execución estarán rematados no horizonte 2013-2014, porque segundo as previsións gubernamentais as partidas máis cuantiosas para os tramos Mondoñedo-Lindín e Lindín-Careira, por exemplo, retrasanse ó 2012. De feito, a rebaixa orzamentaria que experimentan ambos tramos nas partidas consignadas para o vindeiro ano supoñen máis de 64 millóns de euros con respecto ás previsión recollidas nos PXE de 2010.
RETRASO ACUMULADO
“O resumo da estelar programación do Sr. Blanco, da reprogramación e posterior repesca, é que os lucense poderemos circular pola Autovía do Cantábrico seis anos máis tarde do previsto si o referente é a previsión inicial de que estivera íntegramente rematada en 2008, e de dous anos si poñemos no punto de mira a que ata hai só uns meses era a suposición optimista do goberno de Rodríguez Zapatero”, explicou Balseiro.
Un umbral que, dada a tendencia do titular de Fomento a facer cambios sustancias nas contas do seu ministerio cada dous meses, “a pescar e repescar”, teremos que ver aínda en que queda realmente, apuntillou.
“E menos mal”, ironizou o secretario xeral dos populares lucenses, “que esta autovía foi unha das obras indultadas por José Blanco e que ía converterse nunha das súas actuacións prioritarias por aquilo da vertebración do noroeste peninsular”.
Para o número dous dos populares lucenses a palabra dos socialistas, e particularmente a do ministro Blanco, non vale nada porque nunca vai avalada por feitos. Neste contexto, Balseiro retou ó titular de Fomento a que nombrara unha soa obra das moitas que prometeu ó longo da súa dilatada carreira política que se executara no tempo e forma que el comprometera.
Por elo, instou a José Blanco a deixar de enganar os seus veciños e que “dunha vez” exerza de lucense e defenda os intereses desta a súa provincia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
