Nota de prensa
O LIBRO “CAUTIVÉRIO DE FINGOI. OS ANOS LUGUESES (1950-1965) DE D. RICARDO CARVALHO CALERO” PRESENTOUSE HOXE NA DEPUTACIÓN
A obra, de Ramón Reimunde Noreña, foi editada polo servizo de publicacións da Área de Cultura e é un estudo sobre os anos nos que Carvalho Calero residiu en Lugo e foi mestre no Instituto de Fingoi
LUGO, 27 de outubro de 2010. O escritor mariñao Ramón Reimunde presentou hoxe o seu libro “Cautiverio de Fingoi. Os anos lugueses (1950-1965) de Don Ricardo Carvalho Calero” no salón de actos da Deputación de Lugo. Ao acto asistiron tamén Antón Bao, vicepresidente da Deputación, Asunción Fernández, directora do Colexio Fingoi de Lugo, Bernardo Penabade, profesor e ex presidente da Associaçom Galega da Lingua (AGAL), e Margarita Carvalho, filla de Ricardo Carvalho Calero.
O libro foi editado polo servizo de publicacións da Área de Cultura da Deputación e consiste nun estudo sobre os anos nos que o mestre Carvalho Calero residiu en Lugo, exercendo como mestre no instituto de Fingoi. Na súa intervención, o vicepresidente da Deputación manifestou a súa satisfacción por poder brindar o apoio necesario para ver realizada a edición deste libro, e lembrou que “coa nosa entrada no goberno da Deputación, o servizo de publicacións leva a cabo un traballo de edición de numerosas publicacións de grande calidade pola súa significación e aproveitamento para o coñecemento da cidadanía”.
A obra deita luz sobre uns anos pouco estudados da vida do insigne mestre e que, ademais, foron relevantes para algúns aspectos da súa vida, da súa escrita ou da súa idiosincrasia no plano sociopolítico. Coa lectura deste libro, pódense seguir os pasos dun home precavido que elabora coidadosamente a súa propia imaxe, executando un ambicioso proxecto de vida e obra. Chega en 1950 a Lugo, e alí coñece a sociedade luguesa, gana prestixio como docente en Fingoi, fai literatura e investiga, entre outras cousas. Finalmente, no 1965 marcha a Santiago para traballar na Universidade e acadar a meta final difundindo o reintegracionismo.
Ramón Reimunde Noreña ( San Martiño de Mondoñedo, Foz, 1949) realizou os estudos primarios na súa aldea natal e o Bacharelato no colexio Sagrado Corazón de María de Xixón. Estudou dous cursos de Enxeñería Naval en Oviedo e Madrid, Náutica na Coruña e Filoloxía en Santiago. É piloto e capitán da Mariña Mercante e licenciado en Filoloxía Galego-Portuguesa. En 1981 foi nomeado profesor agregado de Lingua e Literatura Galega e en 1992 accedeu á condición de catedrático de Lingua Galega. Foi profesor de Galego e xefe de seminario no ensino público dende o ano 1979, con destinos en Viveiro, Lugo e Foz. Foi membro dos consellos de goberno de AGAL, da Asociación Forestal de Galicia e de Promagal. De ideoloxía galeguista, vive unha vida tranquila no Valadouro, afastado do mundanal ruído. É autor, entre outras, das publicacións “Poesía Completa de Leiras Pulpeiro” (Sotelo Blanco, 1984), “Ben pode Mondoñedo desde agora” (El Progreso, 1998), “A Costeira” (2006), ou, en colaboración, “Comentario de textos literarios” (Alhema, 1986) e “Os escritores lugueses ao redor de Fole” (Concello de Lugo, 1986).
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
