Nota de prensa
O BNG mariñao presenta emendas parciais aos orzamentos do Estado para 2011 focalizando as súas demandas principais na parálise das infraestruturas viarias de competencia estatal
Veiga denuncia que os constantes retrasos na execución da A-8 e o Corredor da Costa provocan desemprego e imposibilitan o desenvolvemento económico da comarca
Os nacionalistas anuncian que aínda rexeitando estes orzamentos por ser regresivos e antisociais non descartan melloralos
A Mariña, 29 de outubro de 2010. O BNG mariñao anunciou a presentación de emendas aos Orzamentos do Estado 2011 focalizando o groso das súas demandas no incremento das partidas económicas previstas nas infraestruturas de comunicación de competencia estatal que ademais de sufrir recortes en relación á previsión plurianual dos orzamentos 2010 para este exercizo de mais de 57 millóns de euros auguran o remate da A-8 para mais alá do 2015 e sen data prevista para o corredor de conexión entre Barreiros e San Cibrao que aínda está no trámite de redacción. O BNG insistiu en que nun momento de crise como o actual a falta de investimento nestas infraestruturas agravará a situación de desemprego na comarca e deixará nunha difícil situación pequenas empresas que arriscaron investimentos para acceder a sub contratas na A-8.
Co ritmo inversor de Fomento no corredor da Costa e na A-8 estas infraestruturas non estarán rematadas antes do 2015 e este parón provocará un incremento do desemprego na comarca.
Os nacionalistas pretenden corrixir coa presentación destas emendas o déficit en infraestruturas de comunicación existentes na comarca esencialmente polos constantes incumprimentos dos gobernos estatais do PP e PSOE con esta comarca e co conxunto da provincia. O recorte de mais de 57 millóns de euros que o Ministerio de Fomento lle aplica a ás previsións de investimento para 2011 recollidos nos orzamentos 2010, deixan claro o pouco que lle importa ao ministro lugués, José Blanco os problemas desta comarca. Para o portavoz Comarcal Nacionalista, Antonio Veiga, “non e de recibo que, aínda nun escenario xeral de recortes orzamentarios, sexa unha vez mais o norte galego quen pague os pratos rotos da crise aplicando recortes na execución de infraestruturas de mais do 50 por cento.”. Veiga anunciou que o BNG mariñao tramitou a través do Grupo Parlamentar nacionalista no Congreso emendas que pretenden corrixir esta situación e adiantar o remate da A-8 e a Autovía entre Barreiros e San Cibrao, “non só para corrixir un agravio histórico senón tamén para evitar o medre do desemprego na comarca e a complicada situación de moitas pequenas empresas que acudiron á sub contrata da A-8 e agora ven perigar os seus investimentos”.
47 millóns mais dos previstos actualmente para incrementar as partidas previstas na A-8 e no Corredor da Costa entre Barreiros e San Cibrao.
Antonio Veiga concretou as partidas a incrementar nas previsións orzamentarias do Ministerio de Fomento naqueles tramos da A-8 que acumulan maior retraso e cuxas previsións de remate estaban orzamentadas no 2010 para o seu remate no 2011 e que agora figuran no orzamento actual para o 2012 ou seguintes, así no tramo Barreiros-Vilamar presentase unha emenda por 5,8 millóns de euros, no tramo Vilamar-Lourenzá por 5,34 millóns, no tramo Lourenzá-Mondoñedo por 4,09 millóns, no tramo Mondoñedo-Lindín para modificación do proxecto por 500.000 euros, no tramo Lindin-Carreira por 20 millóns, no tramo Touzas- Vilalba por 6,5 millóns e no tramo Carreira-Abadín por 4,34 millóns; no caso da Autovía de conexión entre Barreiros e San Cibrao preséntase unha emenda para redacción do proxecto construtivo por 464.000 euros.
O BNG non descarta a mellora destes orzamentos a pesar de pedir a súa devolución por ser regresivos e antisociais nun momento de crise como o actual.
Os nacionalistas moi críticos coa política regresiva e antisocial insisten en que “nun momento como o actual a administración pública debe tirar da economía e non seguir ao ditado as receitas neoliberais do FMI ou da UE”, neste sentido concretaron que os orzamentos 2011 levan á practica a recortes en gasto social, educación, recortes no poder adquisitivo de amplas capas da sociedade, conxelación das pensións agás as non contributivas, rebaixa no investimento en dependencia do 5,2%, rebaixas no investimento público en sectores productivos e infraestruturas, etc. Aínda pedindo a súa devolución e rexeitando frontalmente a política económica do goberno do Estado, Veiga non descartou que o traballo do BNG no Congreso dos Deputados e no Senado consiga mellorar as contas do Estado en investimento real na comarca, “nos non estamos no Congreso para seguir os ditados da estratexia electoral dunha dirección política allea a Galiza, imos para traballar e conseguir melloras concretas e palpábeis no noso país”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
