Nota de Prensa
FERNANDO SUÁREZ MANTIVO UN ENCONTRO CON RESPONSABLES DE PATRIMONIO PARA SEGUIR AVANZANDO NO PXOM. O REXEDOR AGARDA QUE EN BREVE O DOCUMENTO CONTE CO VISTO BÓ DA XUNTA.
Ribadeo, 6 de outubro de 2010. O alcalde, Fernando Suárez, mantivo esta mañá un encontro en Santiago con responsables de Patrimonio para seguir avanzando no PXOM. Analizaron o informe desfavorable emitido no seu día pola Xunta e as soluccións aportadas desde o Concello e desde Eptisa, a empresa redactora do documento. O rexedor agarda que en breve o plan xeral conte co visto bó da Xunta.
Suárez Barcia contou que “no día de hoxe tanto o alcalde de Ribadeo, como os representantes da empresa Eptisa, redactora do PXOM, e o arquitecto municipal mantivemos unha nova xuntanza cos responsables de Patrimonio na Xunta para continuar revisando e avanzando nestes puntos que separaban o que era a tramitación do plan xeral, o que era a proposta que o Concello facía, co informe desfavorable emitido no seu momento”.
O rexedor sinalou que “non é a primeira xuntanza, xa levamos varias, e agora citados outra vez pola Xunta mantivemos un novo encontro con vontade de diálogo, debo valoralo moi positivamente polas dúas partes, pero sobre todo pola que ten que informar no seu momento favorablemente que é a Dirección Xeral de Patrimonio. O informe era moi intenso, a empresa redactora leva traballando nel moito tempo e agora estamos presentando resultados desta elaboración para coñecer cómo o van vendo os responsables de Patrimonio. Eles recoñecen avances de cara a que no menor tempo posible o PXOM de Ribadeo poida contar cun informe favorable, requisito sine qua non para poder seguir a tramitación cara a unha aprobación definitiva”.
Fernando Suárez manifestou que “seguimos traballando niso, quedamos emprazados para manter un novo contacto en canto se poida, por estes asuntos pendentes como o Camiño de Santiago, o acceso á circunvalación, etc, nos que sí que se notan avances, pero hai que continuar traballando neles. Todo isto por unha banda e pola outra, a empresa redactora tenta avanzar para adaptar o PXOM ás novas directrices da modificación da lei do solo de Galicia de hai moi pouquiños meses e cando vando vaia tendo traballo listo para revisar voltaremos a convocar a todos portavoces dos diferentes grupos para seguir traballando na elaboración e aprobación provisional do Plan Xeral de Ordenación Municipal”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
