Cúmprense 30 anos da morte, ós 90 de idade, dun persoeiro ilustre, moi vencellado ás terras da Mariña. Xornalista, escritor, médico (non exerceo) e político, don Ramón Fernández Mato nacera en Boiro en 1899. De singular personalidade, fora amigo e compañeiro de Castelao na facultade de medicina, e colegas na Tuna na que o debuxante tocaba a guitarra e da que él era presidente. Cóntase que fora elexido pola súa presencia física e a oratoria brillante que facían del un “donjuan”, de grande éxito coas mulleres. Tanto así que cando polos anos vinte encetou a súa colaboración na revista “Vida Gallega”, o director, Jaime Solá, publicou un artígo, dirixido ás lectoras, anunciando a súa presencia habitual nas páxinas. O poeta Rey Soto dedicáralle un poema; algúns dos versos, dín: “Se parece a don Félix de Montemar. Apuesto, calavera y poeta, fue terror de beatas./ Lo mismo en los estrados, que en timbas y chirlatas /triunfó su esbelto talle y su mostacho enhiesto../ Siempre el oro o la vida a jugarse dispuesto / e igual ante hosteleras que regias azafatas, / si son bellas, se curva en un rendido gesto…´´. De gran cultura, brillante xornalista, director do diario “El Pueblo Gallego”, e asíduo de diversas publicacións. Republicano, foi deputado por Lugo, gobernador civil de varias provincias, ademais doutros cargos. Ó estalar a incivil, no 36, era Director Xeral de Seguridade. Exilouse a América onde desenvolveo un meritorio labor periodístico. Publicou mais dunha ducia de libros, entre eles a exitosa obra teatral, “Muros de Oro”, que estreara a insigne actriz Lola Membrives. A comedia foi traducida a varios idiomas e representada en diversos países. En 1964 voltou do exilio; a súa muller era de Ferreira do Valadouro e instaláronse en Foz. De contado nos fixemos amigos. Nunha ocasión díxenlle: “ O seu amigo Castelao di que se fixo médico por amor a seu pai, e que non exercía por amor á Humanidade ¿E vostede?”.“A mín traicióname o apelido, respostou. ¿Qué futuro pode agardar ó medico que na porta de súa consulta, informa: “ MATO, de 5 a 9”?. Seguiremos debullando anécdotas deste personaxe singular.
Suso Fernández
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
