Nota de Prensa
Deputación, Goberno Central e FEGAMP aforran ós Concellos de Lugo máis de 400.000 euros na formación do seu persoal
– O Presidente do organismo provincial e o da Federación Galega de Municipios e Provincias asinan un convenio de colaboración para organizar novos cursos na provincia lucense
– En total, os profesionais das administracións de Lugo poderán participar ó longo de 2010 en 70 xornadas formativas, un 30% máis que o ano pasado
– Gómez Besteiro e Fernández Castro instan á Xunta a axilizar os trámites da implantación da banda ancha na Comunidade, e destacan que “o Gobeno galego está a recortar e a eliminar plans continuamente. O señor Feijóo parece o Mister Proper dos recortes”
O Presidente da Deputación, José Ramón Gómez Besteiro, e o Presidente da Federación Galega de Municipios e Provincias – FEGAMP -, Carlos Fernández Castro, asinaron este venres un convenio de colaboración mediante o cal esta última entidade aporta 12.000 euros para a organización de novos cursos dirixidos ó persoal das administracións da provincia lucense. Con este aportación, que se suma a feita pola Deputación e o Goberno de España, os Concellos lucenses aforran este ano máis de 400.000 euros na formación e capacitación do seu persoal. Concretamente, durante 2010, o organismo provincial, o Executivo Central e a FEGAMP aforran ás arcas municipais da provincia 427.481 euros, un 20% máis que na convocatoria anterior. Desta cifra, a Deputación achega o 37%, o Ministerio de Administracións Públicas o 60%, e a FEGAMP o restante.
Gómez Besteiro salientou que “apostamos pola formación dos nosos traballadores para acadar unha administración moderna ó servizo dos cidadáns. Fronte ás políticas de restricción hai que establecer prioridades. A mellora desta formación, xunto ó seu incremento, vai a permitir un gran salto na provincia en prol duns servizos óptimos para ós veciños”. Pola súa banda, Fernández Castro destacou que “este convenio amosa a intensa colaboración e o bo entendemento entre a FEGAMP e a Deputación de Lugo, e máis concretamente, co seu Presidente”.
En total, o persoal das administracións de Lugo poderán participar ó longo de 2010 en 70 xornadas formativas, un 30% máis que na convocatoria anterior. O seu contido responde ás demandas actuais como: a normativa galega sobre incendios forestais, o dereito urbanístico logo da modificación da lei, a xestión de axudas para entidades locais financiadas con fondos europeos, etc.
No conxunto de Galicia, a FEGAMP impulsa este ano 36 cursos, 3 máis que en 2009. O número de beneficiados acadará os 935, e o de horas superará ás 1.200.
Mensaxe á Xunta
As novas tecnoloxías teñen unha ampla presenza no Plan de Formación dirixido ós traballadores das administracións de Lugo debido á vindeira total implantación da e-administración na provincia que acadará a Deputación nun tempo récord de menos dun ano. Neste senso, Gómez Besteiro destacou a importancia de que estes profesionais sexan os primeiros en formarse como responsables dos 120 trámites que os veciños de Lugo poderán facer dende a Rede grazas ó Innova-TE , o programa tecnolóxico do organismo provincial, dotado de 9 millóns de euros, cofinanciado nun 70% con fondos Feder e un 30% polo INLUDES.
Precisamente, Gómez Besteiro agasallou a Carlos Fernández cun USB en forma de chave simbolizando a administración aberta 24 horas, ós 365 días ó ano, que terá Lugo en 2011 co Innova-TE da Deputación. O titular do organismo provincial incidiu en que “nós poñemos a disposición dos cidadáns de Lugo o mercedes para circular de formar inmediata coa administración, agora só queda que a Xunta facilite a autovía necesaria”. O Goberno galego é a institución responsable e con plena competencia para achegar a bancha longa ós veciños da Comunidade, feito que non acadará, segundo os seus propios plans, ata 2013, é dicir, 2 anos despois de que a Deputación de Lugo remate co Innova-TE, e toda a provincia conte cos medios necesarios que conleva a e-adminsitración a excepción do servizo da banda ancha, tarefa da Xunta.
Neste senso, Fernández Castro amosou a súa preocupación porque, logo de asinar un convenio co Goberno Galego para lograr unha administración moderna baseada nas novas tecnoloxías, “a súa resposta está sendo lenta mentras que os Concellos e a Deputación de Lugo xa fixemos o noso traballo”. Como mostra disto, o Presidente da FEGAMP asegurou que “na última reunión que tivemos ó respecto, dixéronnos que uns 40 Concellos, sen saber concretar cales, solicitaban o servizo que ofrece a rede CeMIT. Todo isto está paralizado dente xuño”.
Da mesma forma, Fernández Castro destacou que “o Gobeno galego está a recortar e a eliminar plans continuamente. O señor Feijóo parece o Mister Proper dos recortes. Estamos esperando a que nos paguen 45 millóns de euros correspondentes ó Plan Concertado para mellorar e aumentar os servizos sociais básicos ós cidadáns. A Consellería de Traballo ofreceunos en xuño adiantarnos este diñeiro pero, a día de hoxe, non sabemos nada. O Executivo galego só se adica a asinar acordos mediáticos.”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
