Nota de Prensa
O BANCO DE TEMPO DO CONCELLO DE BURELA CONTA XA CON 19 SOCIOS E ATÓPASE NA REDE SOCIAL FACEBOOK.
Burela, 1 de outubro de 2010. O banco de tempo do Concello conta xa con 19 socios, 11 mulleres e oito homes, e atópase na rede social facebook, segundo anunciou hoxe a concelleira de Emprego e Formación, Sonia Fraga.
A edil socialista explicou que “no mes de setembro iniciamos unha nova tempada do banco de tempo con 15 socios e hoxe xa podemos dicir moi orgullosos que contamos con 19 en total, xa que estes días se produciron catro novas altas de persoas que están interesadas en participar en dito servizo prestando unha labor humana e gratuita tan necesaria nestes tempos. Un dos obxectivos do banco de tempo é dar unha proximidade de contacto da xente do concello e favorecer así as relacións sociais entre os veciños”.
Sonia Fraga amósase moi satisfeita “do traballo que se está a realizar dentro deste departamento e seguimos mellorando para que continúe este servizo. As actividades que se ofrecen entre os membros do banco do tempo son variadas, necesarias e algunhas delas chamativas coma por exemplo o coidado de animais candos os donos/as se van de viaxe. As persoas que intercambian o seu tempo e o seu traballo ofrecen clases de informática, fotografía, coidado de nenos, coidado de prantas, ensino de linguaxe musical, etc…”.
Na rede social facebook “ven de crearse un grupo de amigos con toda a información do banco de tempo. Para acceder a ese enlace hai que buscar Bdt Concello de Burela. Ademáis estamos a traballar nuns dípticos con toda a información sobre este servizo que en breve estará nos comercios e establecementos de Burela para así seguir a difundir toda a información e avanzar no número de socios que forman parte do banco de tempo”, engadiu a concelleira de Emprego e Formación. No Concello de Burela estudian a posibilidade de realizar un encontro con outros bancos de tempo que operan na zona para facer un intercambio de experiencias.