Nota de Prensa
REMEDIOS LÓPEZ CONVIDA A VECIÑOS E VISITANTES A PARTICIPAR NAS XORNADAS GASTRONÓMICAS DO POLBO QUE SE CELEBRAN DESDE HOXE ATA O DOMINGO EN BURELA.
Burela, 8 de outubro de 2010. Hoxe comezan as xornadas gastronómicas do polbo. A concelleira do Mar, Remedios López, convida a veciños e visitantes a disfrutar deste sabroso manxar.
A edil socialista anima “a toda a poboación a acercarse ata Burela esta fin de semana para degustar as distintas receitas que elaboran os 18 hostaleiros que participan nestas xornadas. Todos ofrecerán polbo a feira por 8 € a ración e logo a maiores haberá outras degustacións como: brocheta de polbo con langostinos, polbo á vinagreta, polbo con ameixas, polbo ao allo, polbo mariñeiro, polbo á prancha, polbo encebolado, arroz branco con espeto de polbo en salsa de champiñóns, polbo á malagueña, ensalada temprada de polbo con algas, capricho de polbo, polbo con tempura de grelos e salsa de champiñóns, guiso de polbo en milfollas, cazola de polbo…”.
Os restaurantes participantes son: bar Raio, restaurante Lucer, Palacio de Cristal, mesón Carlos, mesón Hamilton, restaurante Os Remos, A Marquesa, mesón Don Jamón, restaurante Sargo, bar Trisquel, cervexería A Bodeguilla, bar Pena Orxal, Parrillada de Jandro, bar Facenda, cervexería Kiko, Casa Miranda, hotel Galatea e bar da Costa. Remedios López lembra que “entre todos os comensais que participen nas xornadas gastronómicas do polbo sortearase una cea para dúas persoas coa que a Concellería do Mar agasallará ao ganador que sairá do sorteo que terá lugar o mércores 13 de outubro”.