Nota de prensa:
Tal e como lle confirmou a Xerencia do Hospital da Costa ningún momento o Goberno galego decidiu prescindir deste servizo polo que os médicos especialistas seguen a desprazarse ás residencias para controlar a saúde mental dos nosos maiores
BALSEIRO ASEGURA CON ROTUNDIDADE QUE A XUNTA GARANTE O MANTEMENTO DAS CONSULTAS DE PSIQUIATRÍA NOS XERIÁTRICOS DA MARIÑA
* Como no resto de Galicia, as consultas se están a desenvolver polas mañás sen necesidade de desprazamentos ata o hospital. A actividade extraordinaria –en xornada de tarde– se reserva para as primeiras consultas.
A Mariña, 11 de outubro de 2010.- O deputado do Partido Popular de Galicia Jose Manuel Balseiro Orol asegurou no día de hoxe, con total rotundidade, e tras manter unha reunión co Xerente do Hospital da Costa, que a Xunta garante o mantemento das consultas de psiquiatría nos xeriátricos da Mariña lucense. O parlamentario popular asegura que en ningún momento os actuais responsables do Goberno galego acordaron prescindir deste servizo e polo tanto, médicos especialistas en saúde mental seguen a desprazarse ás residencias para controlar a saúde dos nosos maiores.
Jose Manuel Balseiro explicou aínda máis, e indicou que, como se está a facer no resto de Galicia, as consultas de psiquiatría se están a desenvolver en horario de mañá sen necesidade de que os maiores se despracen ata o hospital. Incluso se está a manter a actividade extraordinaria –en xornada de tarde- reservándoa para as exploracións que se efectúan na primeira consulta.
As palabras do deputado popular veñen a desmentir dun xeito categórico algunhas informacións difundidas “total intencionadamente política” por determinadas persoas vinculadas ao PSOE –entre elas o alcalde de Burela- que aseguraban faltando a verdade que se decidiu a supresión deste servizo. Balseiro reclama “responsabilidade” a estas persoas porque no ámbito sanitario sobre todo, non é axeitado nin correcto crear continuas falsas alarmas, facendo afirmacións que non son certas, como neste caso acontece.
PERFECTAMENTE INFORMADOS E AO DÍA
Balseiro tamén indicou que o equipo directivo do Hospital da Costa xa mantivo contactos cos responsables dos xeriátricos mariñáns para indicarlles o mantemento deste servizo en xornada ordinaria –de mañá- como se está a levar a cabo –insiste- no resto da comunidade galega, así como para garantir que esta asistencia poida prestarse cunha mellor organización e ben programada. “Asilos e residencias están perfectamente informados e ao día”
BENESTAR E SAÚDE MENTAL
O servizo de psiquiatría nos xeriátricos, prestado pola Consellería de Sanidade a través do SERGAS, ten por obxecto garantir unha atención exhaustiva e periódica a un colectivo que, pola súa avanzada idade, é proclive a sufrir enfermidades como demencias o alzhéimer. En ningún momento estivo en cuestión a súa continuidade pois constitúe un espazo de grande importancia no sistema de benestar e no ámbito da asistencia pública á saúde mental.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
