Nota de Prensa
A XUNTA ALERTA DUN FENÓMENO ADVERSO DE NIVEL LARANXA NO LITORAL GALEGO E OUTRO POR VENTO NA CORUÑA ESTA FIN DE SEMANA
* Para mañá, venres, esperase un adverso por vento de nivel laranxa que afectará ao oeste da Coruña, con refachos que poden superar os 100 kilómetros hora
* O sábado todo o litoral galego estará en alerta laranxa por mar de fondo do oeste e rexistros que poderán superar os 6 metros de altura
Santiago, 7 de outubro de 2010.- A Dirección Xeral de Emerxencias e Interior da Consellería de Presidencia, Administracións Públicas e Xustiza alerta dun episodio de meteoroloxía adversa por vento en mar e mar de fondo de nivel laranxa que afectará ao litoral das provincias da Coruña e Pontevedra a partir de mañá, venres 8 de outubro. Así mesmo tamén advirte doutro episodio de meteoroloxía adversa por vento de nivel laranxa para o oeste da provincia da Coruña.
Segundo as predicións da Axencia Estatal de Meteoroloxía (AEMET), espérase que a partir das 6.00 horas de mañá, venres 8 de outubro prodúzase un nivel laranxa no litoral da Coruña e Pontevedra por mar de fondo do oeste con rexistros que poderían superar os 5 metros e vento en mar do sur que poderían superar a Forza 8.
Pola súa banda, o litoral de Lugo permanecerá en alerta amarela, con rexistros que poderían sobrepasar os 4 metros, aínda que no día 9 de outubro -sábado-, o nivel de alerta ampliarase, quedando xa todo o litoral galego en alerta laranxa por mar de fondo do oeste. Nesta xornada os rexistros poderían superar os 6 metros de altura.
Alerta laranxa por vento
Ademais, o a partir das 2.00 horas de mañá, venres, esperase un episodio de meteoroloxía adversa por vento de nivel laranxa que afectará ao oeste da provincia da Coruña con refachos de vento que poden superar os 100 kilómetros hora.
A esa mesma hora espéranse ventos que poderán superar os 90 kilómetros hora –nivel amarelo- no resto da provincia da Coruña e na de Pontevedra; e a partir das 4.00 horas refachos de vento que poden superar os 80 kilómetros hora nas provincias de Lugo e Ourense.
Así mesmo, avísase da posibilidade de choivas de máis de 15 litros por metro cadrado e 50 litros en 12 horas por metro cadrado nas provincias de Pontevedra e Coruña a partir das 6.00 horas de mañá, venres; e de máis de 15 litros por metro cadrado no sur e na montaña de Ourense e na zona de Valdeorras a partir das 4.00 horas de mañá, é dicir nivel amarelo.
Así, co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación de meteoroloxía adversa a todos os concellos da Comunidade Autónoma; ás Deputacións, servizos provinciais e asociacións de voluntarios de Protección Civil e aos clubs náuticos das tres provincias costeiras, entre outros. Deste xeito, agárdase que se adopten as medidas oportunas para garantir a seguridade dos bens e das persoas.
Tamén recórdaselle á poboación a importancia de seguir as medidas de protección como evitar aproximarse a diques ou rompentes co fin de previr un eventual golpe de mar que poida arrastrar persoas ou obxectos ou vixiar posibles caídas de obxectos desde balcóns e fiestras. Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
